مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
امام ابو حنیفہ کی کرامت (وضو کے وقت کبیرہ ،صغیرہ گناہوں کو جھڑتے دیکھنا) جبکہ کبیر ہ گناہوں کی معافی کے لیے توبہ شرط ہے؟
سوال
فضائل اعمال میں لکھا ہوا ہے کہ امام ابو حنیفہ ؒ کو گناہ دُھلتے ہوئے دکھائی دیتے تھے مثلاً غیبت وغیرہ جب نمازی نماز کے لیے وضو کرتے تھے یہ ان کی کرامت تھی حالانکہ غیبت ،زنا تو کبیرہ گنا ہ ہے، یہ وضو سے تو کیا غسل سےبھی معاف نہیں ہوتے جب تک بندہ توبہ نہ کرلے۔
جواب
واضح رہے کہ شریعت کا مسلمہ قاعدہ و ضابطہ یہی ہے کہ وضو اور دیگر عبادات سے صرف صغیرہ گناہ ہی معاف ہوتے ہیں ، کبیرہ گناہوں کی معافی کے لیے اللہ تعالٰی سےتوبہ کرنا شرط ہے لیکن اگر وضو کے وقت توبہ اور اس کی شرائط (مثلاً گناہ پر ندامت ،آئندہ گناہ سے بچنے کا عزم)کا مکمل استحضار ہو تو ایسے وضو سے صغائر اور کبائر دونوں گناہوں کا معاف ہونا بعید نہیں ہے ۔
نیز اہل السنت والجماعت کا عقیدہ ہے کہ اولیاء کی کرامات بر حق ہیں اور اللہ تعالٰی قادر ِمطلق ہیں ، اللہ تعالٰی نے اپنی قدرت سے کسی کے کبیرہ گناہ معاف کر دئیے ہوں اور اپنی قدرت کا یہ مظاہرہ اپنے نیک ولی بندے کو کرا دیا ہو۔لیکن شریعت کا مسلمہ قاعدہ و ضابطہ وہی ہے جو اوپر مذکور ہوا ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں