مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
عقیدہ عصمت ِانبیاء
سوال
استانی صاحبہ کہتی ہیں کہ انبیاء کرام علیہم السلام معصوم عن الخطا نہیں ہوتے، جبکہ ہم نے شروع سے یہ سنا ہے کہ انبیاء کرام علیہم السلام معصوم عن الخطا ہوتے ہیں ۔ مثلاً حضرت آدم علیہ السلام سے بھی غلطی ہوئی، حضرت یونس علیہ السلام سے ، اور حضرت نوح علیہ السلام سے بھی غلطی منقول ہیں۔ تو حقیقت کیا ہے ؟ راہنمائی فرمائیں۔
جواب
اہل السنت و الجماعت کا متفقہ عقیدہ ہے کہ انبیاء کرام علیہم السلام نبوت ملنے سے پہلے اور نبوت ملنے کے بعد تمام چھوٹے اور بڑے گناہوں سے معصوم ہوتے ہیں۔ اور بعض انبیاء کرام علیہم السلام سے جو امور منقول ہیں وہ نسیان یا غلط فہمی کی بنیاد پر ان سے صادر ہو جاتے ہیں۔ اور جو لغزش اجتہادی ہوتی ہے یا خطاء و نسیان کے سبب سر زد ہو جاتی ہے وہ قابل معافی ہوتی ہے جس کو اصطلاح شرع میں گناہ نہیں کہا جاتا۔ مگر چونکہ اللہ تعالی کے نزدیک انبیاء علیہم السلام کا مقام نہایت بلند ہے اور ان کے ارفع و اعلی مقام کی وجہ سے ان سے صادر ہونے والی لغزش کو بھی بعض مواقع پر گناہ سے تعبیر کیا گیا ہے اور اس پر توبہ کی تلقین کی گئی ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں