مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کیا حضرت ادریس علیہ السلام جنت میں ابھی زندہ ہے؟/حضرت عیسیٰ علیہ السلام اور امام مھدی کس مذھب پر عمل کریں گے ؟ /زیر ناف بالوں کے کاٹنے کے حدبندی اور نہ کاٹنے والا گناہگار ہوگا؟/اوراس میں نابینا شخص کے لئے دوسرے سے مددلینے کاحکم
سوال
نمبر۱۔ انبیآء علیہ السلام کے متعلق دریافت طلب یہ ہے کہ کیا حضرت ادریس علیہ السلام جنت میں گئے تھے؟ کون کون سے انبیآء علیہ السلام ابھی بھی حیات ہیں؟
نمبر۲۔حضرت عیسیٰ علیہ السلام اور امام مھدی رضی اللہ عنہ چار مکاتب فکر میں سے کس مکتبہ فکر پر عمل کریں گے ؟
نمبر۳۔ایک لڑکا جو بالغ ہے تو کیا اس پر زیر ناف بالو ں کی صفائی کرناضروری ہے اور اگر یہ نہیں کرے تو کیا وہ گناہگار ہو گا نیز زیر ناف کہاں سے کہاں تک صاف کرنا چاہئے اور اگر کوئی نابینا ہو تو وہ کیا کرے ؟براہ کرم جلد جواب دیےکر ممنون فرمائیں ۔
نمبر۴۔ ناخن ،سر کے بال، بغل کے بال ،اور زیر ناف کے بالوں کو کاٹنے کے بعد ان کو کہیں بھی پھنک دیں یا ان کو کہیں صاف جگہ دفن کرے ؟
جواب
نمبر۱۔ واضح رہے کہ حضرت عیسیٰ علیہ السلام کا آسمانوں میں زندہ ہونا قرآن وحدیث کی واضح نصوص سے ثابت ہے اور اس پر ہمارا عقیدہ ہے۔ اس کےعلاوہ انبیآءکی دنیوی حیات کے بارے میں گفتگو اوربحث و تمحیص سے گریزکرناچاہئے البتہ علماءنے اس سے متعلق جو تحریر کیا ہے اس میں سے مستند اور محقق بات یہ ہے کہ حضرت ادریس علیہ السلام کے متعلق مفسرین اور محدثین کی آراء مختلف ہیں جس آیت میں حضرت ادریس علیہ السلام کی رفعت کا ذکر ہے اس کی تشریح کرتے ہوئے مفتی اعظم پاکستان مفتی محمد شفیع ؒ فرماتے ہے: اس آیت میں رفعت سے مراد رسالت اور قرب الہٰی کا خاص مقام ہے اورجن روایات میں ان کو آسمانوں پراٹھانامنقول ہے وہ سب اسرائیلی روایات کے قبیل سے ہیں (ماخوذ:معارف القران ۵/۳۵۴) اور عظیم مفسر مولناٰ محمد عاشق الہیٰؒ نے تحریر فرماتے ہیں ؛ کہ حضرت ادریس علیہ السلام کی آسمانوں میں حیات کے بارے میں جو روایات ہیں ان کی اسانید متصل اور قوی نہیں ہیں۔ (ماخوذ:انوار البیان ۳/۱۴۵)
حضرت خضر علیہ السلام اور حضرت الیاس علیہ السلام کے بارے میں بعض مفسرین کی رائے ہے کہ وہ اب بھی حیات ہیں اوراور اللہ تعالی کی طرف سے تکوینی امور کی انجام د ہی میں مامورہیں ۔
نمبر۲۔حضرت عیسیٰ علیہ السلام حضور صلی اللہ علیہ وسلم کے امتی ہونے کے حیثیت سے قرآن وسنت پر عمل کریں گے اور غیر منصوص مسائل میں خود مجتہد ہو نگے ۔اسی طرح مھدی علیہ الرضواں بھی خود مجتھد ہو ہونگے ۔
نمبر۳۔زیر ناف بال صاف کرنا سنت ہے اور فطرت کا حصہ ہے اس پر عمل کرنا ہر عاقل بالغ مسلمان کے لئے ضروری ہے۔زیر ناف بالوں کی حد ناف کے نیچے سخت ہڈی سے شروع ہوتی ہے ،مقعداور اعضاءثلاثہ کے اردگرد بال جن کے گندے ہونے کا خدشہ ہو ان سب کو صاف کرنا چاہئے۔
نابینا شخص کے لئے بہتر یہ ہے کہ وہ کیمیکل کریم وغیرہ کے ذریعے سے خود ہی اپنی صفا ئی کرلے بوقت ضرورت کسی دوسرے سے مددبھی لے سکتاہےبشرطیکہ وہ نظرکی حفاظت کرے اورمس بلاحائل بھی نہ ہوکیونکہ ستر غلیظہ کے جس حصے کو دیکھنا ناجائز ہے اس کا چھونا بھی نا جائزہے۔
نمبر۴۔ناخن سر اور بغل کے بالوں کوکاٹنےکے بعد کسی صاف جگہ دفن کرنے چاہئے ۔انہیں گندی جگہ نہیں پھنکنا چاہیے ۔(ماخذہ:بہشتی زیور۷۴۲: فتاوی رشیدیۃ۳۷۶،۳۷۷ )
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں