مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
بالغ لڑکی کا اولیاء کی اجازت کے بغیر گواہوں کی موجودگی میں اپنا نکاح کرنا
سوال
یہ مسئلہ بیعت و سلوک کے حوالے سے ہے۔ ہمارے علاقے میں ایک جگہ آٹھ بہنیں ہیں جن کے گھر والے ان کا رشتہ نہیں کر رہے۔ ایک عالم نے ان میں سے ایک عورت کا نکاح صرف دو گواہوں کے سامنے تیس ماشے چاندی کے عوض کر دیا، اور بعد میں چار پانچ ساتھیوں کو بھی خبر دے دی۔ ان چھ سات افراد کے علاوہ کسی کو علم نہیں ، حتی کہ لڑکی کے گھر والوں کو بھی خبر نہیں۔ جب اس پر ولی کی اجازت کے حوالے سے سوال اٹھایا گیا تو وہ کہنے لگے کہ ولی سُو کے اختیار کی اجازت نکاح کے لیے ضروری نہیں ۔ اب دریافت طلب امر یہ ہے کہ کیا اس مولوی صاحب سے بیعت توڑ دی جائے یا واقعی انہوں نے جائز کام کیا ہے ؟
جواب
واضح رہے کہ حدیث مبارکہ میں سب کے سامنے نکاح کرنے کی ترغیب آئی ہے] أعلنوا هذا النكاح سنن الترمذي: 2/ 390[ چنانچہ مذکورہ صورت میں عالم کو چاہیے تھا کہ اولیاء کی اجازت سے اور سب کے سامنے مذکورہ عورت کا نکاح کرتا ،صرف دو گواہوں کی موجودگی میں اس کا نکاح پڑھانا ایک غیر مناسب عمل ہے۔تاہم مذکورہ عورت کا نکاح جس مرد سے کیا گیا ہے اگر یہ مرد اس عورت کا کفو ہے تو مذکورہ نکاح پڑھانا جائز ہے ۔ اس پر ان کو ملامت کرنا درست نہیں نیز بیعت توڑنے کی بھی کوئی ضرورت نہیں ۔ (ماخذہ: تبویب دارالافتاء جامعہ احسان القرآن والعلوم النبویہ 26/30 )
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں