بعض لوگوں کو خفیہ طور پر معلوم ہوا کہ ایک شخص نے اپنی بہن کا رشتہ ایک مشہور مرزائی کو خفیہ طور پر دے دیا ہے۔ جب لوگوں کو اس کا علم ہوا تو انہوں نے اسلامی ہمدردی، خیر خواہی اور غیرت کے طور پر سمجھایا کہ مسلمان اور مرزائی کے درمیان نکاح نہیں ہوسکتا۔ مرزائی اپنے کفریہ عقائد کی وجہ سے کافر، مرتد اور زندیق ہیں۔ چنانچہ بعض علماء نے مرزائیوں کے عقائد و نظریات اور کفریات سے بحوالہ آگاہ کیا، شبہات کے جوابات دیے اور اس شخص کو سمجھایا، لیکن اس نے مرزائیوں کو کافر، مرتد اور زندیق تسلیم کرنے اور اپنی بہن کا رشتہ نہ دینے کی بجائے تمام لوگوں کے سامنے بآوازِ بلند کہا کہ میں مرزائیوں کو تمہاری طرح کافر، مرتد اور زندیق نہیں کہتا۔ مرزائیوں کے بارے میں جو باتیں تم نے کہی ہیں، یہ تمہاری اپنی بنائی ہوئی ہیں۔ معاذ اللہ! تو اس نے اپنے عقیدے کا عملاً اظہار کرتے ہوئے مرزائی کے ساتھ اپنی بہن کی شادی کرکے رخصتی کردی۔ اس عمل میں اس کی والدہ بھی سرِفہرست رہیں۔ مندرجہ ذیل امور کے بارے میں جواب مطلوب ہے: