میری شادی ہوئے تقریباً 4 سال ہو گئے ہیں۔ میری اور میری بیوی کی اچھی خاصی بنتی ہے۔ اور ہم دونوں میں بہت پیار اور محبت ہے۔ اور میری بیوی میری اور میرے والدین اور بہن بھا ئیوں کی بہت عزت کرتی ہے۔ اب میری والدہ کی کزن کی شادی ہے اور وہ 18 دن پہلے جانے کا بول رہی تھی، میری والدہ نے بھی اسے اجازت دےدی۔ اس نے مجھ سے 3، 4 مرتبہ اجازت مانگی لیکن میں نے نہیں دی تو اسی بات پر میری بیوی مجھ سے ناراض ہو گئی اور ہماری کافی بحث ہوئی، میں نے اسے گالی دی اور وہ خاموشی سے سنتی رہی۔ میں نے اسے کہا کہ گندی نسل پتہ نہیں کہاں سے آگئی۔ تو اس نے غصہ میں مجھے کہا کہ مجھے چھوڑ دو ۔ پھر تو میں نے سب کے سامنے اسے یہ الفاظ کہے کہ جاؤ میں نے تجھے طلاق دےدی، یہ الفاظ میں نے دو مرتبہ بولے ۔ لیکن اب میرے گھر والے بھی مجھ سے ناراض ہیں کوئی مجھ سے بات نہیں کر رہا، نہ والدین نہ بہن بھائی ۔کھانا دےدیتے ہیں بات کوئی نہیں کررہا اور میری بیوی نےابھی تک اپنے گھر بھی نہیں بتایا ۔ میری والدہ کہتی ہیں میں اس کو نہیں جانے دونگی یہ میری بیٹی ہے ۔ اب میری بیوی میر ی رہ سکتی ہے یا نہیں؟ جبکہ ہمارے امام مسجد نے بتایا کہ آپ ایک ساتھ رہ سکتے ہیں۔ اور میں اسے چھوڑنا بھی نہیں چاہتا۔ تو اب شریعت کا کیا حکم ہے ۔