مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
جمعہ کے خطبہ میں کیا پڑھنا ضروری ہے؟
سوال
میں نے اہلِ حدیث ، اہلِ سنت اور اہلِ سنت والجماعت کی مساجد میں جمعہ کے خطبات سنے۔ تمام خطبات کا مشن و سباق ایک دوسرے سے ہٹ کرہے۔ اس میں وہ کونسا خطبہ ہے جو علماء سے روایت ہے( ثابت ہو)۔
جواب
جمعوں کے خطبوں میں ایک ہی طرح کے مخصوص کلمات پڑھنا ضروری نہیں ہے ۔ آپ ﷺ کے خطبوں کی روایتوں پر غور کرنے سے معلوم ہوتا ہے کہ آپ ﷺ کاخطبہ کم از کم دس امور پر مشتمل ہوتا تھا۔ حمد (اللہ تعالیٰ کی تعریف اور بڑائی) ، شہادتین، درود ، ذکر، وعظ، نصیحت، کلمات قرآنیہ، عامۃ المسلمین کےلئے دعا کرنا۔ چنانچہ شاہ ولی اللہ رحمۃ اللہ علیہ نے ان امور کا خطبہ میں ہونا مسنون قرار دیا ہے۔
اسی طرح فقہا کرام نے بھی ان امور کو ذکر کیا ہے۔ ابن قیم رحمہ اللہ نے” زاد المعاد” میں ذکر کیا ہے کہ آپ ﷺ کے خطبہ کا مدار اور اس کے بنیادی امور یہ تھے۔ اللہ تعالیٰ کی حمد ، نعمتوں پر اللہ تعالیٰ کی حمد و ثنا اور تعریف، اللہ تعالیٰ کی صفات اور کمالات کا ذکر، اسلام کے بنیادی امو ر کی تعلیم، جنت و جہنم کا ذکر، آخرت کا ذکر، تقوی کی ترغیب ، خدا کی رضامندی اور ناراضگی والے اعمال کا بیان ۔ علامہ شعرانی رحمہ اللہ نے ذکر کیا کہ آپ ﷺ کے خطبہ میں حمد وثنا ،درود پاک، وعظ و نصیحت اور قرآن ہوتا تھا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں