ایک عدد مکان جس کا رقبہ تقریبا ساڑھے نو مرلہ ہے جو کہ 48 فٹ بائے 50 فٹ بنتا ہے۔ جو کہ ہمارے دادا جان نے وراثت میں چھوڑ ا۔دادا جان کی وفات کے بعد سن 2010 میں یہ مکان وارثین میں تقسیم کیا گیا جس میں چار بھائی اور دو بہنیں تھیں۔ باہمی رضامندی سے بہنوں کو اس وقت کے اعتبار سے پیسوں کی صورت میں حصہ مقرر کیا گیا جو کہ ایک ایک لاکھ روپیہ مقرر کیے گئے جو کہ دو بھائی ایک بہن کو ایک لاکھ ادا کریں گے اور دوسرے دو بھائی دوسری بہن کو ایک لاکھ روپے ادا کریں گے۔یعنی 50 ہزار ہر بھائی ادا کرے گا اور بہنیں اپنے پیسوں کا بھائیوں سے مطالبہ بھی کر چکی ہیں لیکن مالی حالات کی کمزوری اور دنیاوی حالات کی وجہ سے بھائی بہنوں کو پیسے ادا نہ کر سکے اور والدہ نے اپنا حصہ سب بھائیوں کو برابر معاف کیا اور باقی مکان کو چاروں بھائیوں پر برابر تقسیم کیا گیا جو کہ 24 بائے 25 فٹ رقبہ بنتا ہے۔جس میں ہر ایک نے اپنی رضا سے جگہ کا انتخاب کیا دو چھوٹے بھائیوں نے فرنٹ سے جگہ کا انتخاب کیا اور دوسرے دو بڑے بھائیوں کو پچھلا حصہ مکان کا دیا گیا اور ہر ایک نے اسٹام پر سائن بھی کیے جس پر گواہ بھی موجود ہیں۔ اور پھر اس حصہ پر تصرف کا حق بھی حاصل کیا گیا جو حصہ مکان کا پچھلی طرف سے بڑے بھائیوں کو دیا گیا اس میں ایک بھائی کو راستہ نہیں مل رہا تھا جس بنیاد پر انہوں نے اپنا حصہ دوسرے بھائی کو بیچ دیا اور رقم بھی وصول کی اور اسکے بدلے انہوں نے اور جگہ لے لی اور اس پر مکان بنا کر اس میں شفٹ ہو گئے اس دوران ایک بھائی نے دوسرے بھائی کے حصہ میں بیت الخلاء بنانے کی اجازت چاہی اس پر اس جگہ کے مالک حصہ دار بھائی نے تصرف کرنے سے منع کیا۔