اگر سوال میں مذکور اشیاء (مثلاً پرفیوم وغیرہ) پر کوئی مخصوص مقدار( جیسے: 10ملی لیٹر وغیرہ) درج ہو تو شرعاً فروخت کنندہ پر لازم ہے کہ خریدار کو وہی مکمل مقدار فراہم کرے جو اس پر لکھی ہوئی ہے۔لہٰذا اگر مختلف گاہکوں کو خوشبو چیک کروانے کے نتیجے میں بوتل کی مقدار کم ہو جائے، تو ایسی استعمال شدہ بوتل کو اس پر درج مکمل مقدار کے نام سے فروخت کرنا جائز نہیں؛ کیونکہ یہ حقیقت کے خلاف اور خریدار کو دھوکے میں رکھنے کے مترادف ہےاور اس سے اجتناب ضروری ہے ۔