مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
طلاق معلق بالشرط کی ایک صورت”اگر تم موبائل استعمال کرو گی تو تمہیں طلاق”
سوال
ميرےشوہر نے مجھ سےکہا”تم موبائل استعمال نہیں کروگی” میں نے جواب دیا کہ”آپ نے مجھےکس حیثیت سے رکھا ہوا ہے؟ تو شوہر نے پھر کہا کہ میں کہ رہا ہوں تم موبائل استعمال نہیں کروگی،تو میں نے کہا کہ آپ نے مجھے موبائل لیکر نہیں دیا،جب لیکر دوگے تو پھر پابندی لگاناشوہر نے کہا کہ اگر تم موبائل استعمال کرو تو تمہیں طلاق۔
اب اگر میں موبائل استعمال کرتی ہوں تو کتنی طلاق واقع ہوں گی؟اور دونوں میاں بیوی پرکیا حکم لاگو ہوگا؟ اگر ایک طلاق واقع ہوتی ہے تو کب تک بیوی زوجیت میں رہتی ہے؟ مزيد طلاق نہ دینے کی صورت میں دوسری طلاق واقع ہوگی یا نہیں؟
جواب
صورتِ مسئولہ میں اگر آپ نے موبائل استعمال کیا تو آپ پر ایک طلاق رجعی واقع ہوجائے گی۔ اور نکاح باقی رکھنے کے لئے اس کی عدت کے اندر اندر رجوع(قولاً یافعلاً)کرنا ضروری ہے۔رجوع کے بعد شوہر کے پاس صرف دو طلاقوں کا حق باقی رہےگا۔لیکن اگر شوہر عدت کے دوران رجوع نہیں کرتا تو عدت مکمل ہونے پر طلاق بائن ہوجائےگی،اور آپ اس کی زوجیت اور نکاح سے بالکل نکل جائیں گی۔البتہ دوبارہ اکٹھے رہنے کے لئے باہمی رضامندی اور نئے مہر کے ساتھ نکاح دوبارہ کرنا ہوگا۔نیز سوال میں ذکرکردہ جملہ کہنےکے بعد یا دورانِ عدت شوہر دوسری طلاق دے تو وہ بھی واقع ہوجائےگی۔تاہم خود بخود کوئی طلاق واقع نہیں ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں