مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
شاور سے غسل کرنے کا حکم
سوال
موجودہ زمانے میں شہروں میں بالٹیوں کا تصور ختم ہوگیا ہے ، لہذا شاور سے غسل کس طرح ہوگا؟
جواب
شاور سے غسل کا حکم
شاورسےغسل کرتےوقت غسل کےفرائض اورسنتیں آسانی سے اداکی جاسکتی ہیں، اس لئے فرائض اور سنتوں کی رعایت کے ساتھ غسل کرنا چاہیے، واضح رہے کہ فرض غسل کے تین فرض ہیں جو پورے کرنا ضروری ہیں ، کلی اس طرح کرنا کہ پورے منہ میں پانی پہنچ جائے، ناک میں اس طرح پانی ڈالنا کہ نرم ہڈی تک پانی پہنچ جائے، اور سارے جسم پر پانی بہاناکہ بال برابر بھی جگہ خشک نہ رہے ،اور غسل کا سنت طریقہ یہ ہے کہ: پہلے دونوں ہاتھ دھوئے ،استنجاء کرے ،اگر بدن پر نجاست لگی ہے تو اس کو دھوئےپھر وضو کرے نماز کےوضو کی طرح، ٖپھر وضو کے بعد تین مرتبہ اپنے سر پر پانی ڈالے ،پھر تین مرتبہ دائیں کندھے پر ،پھر تین مرتبہ بائیں کندھے پر پانی ڈالے اس طرح کہ سارے بدن پر پانی پہنچ جائے،لہذا شاور سے غسل کرتے وقت جس قدر ممکن ہو سکے اس سنت طریقے کی رعایت رکھنی چاہیئے،اورپانی کے اسراف سے بھی بہر حال بچنا چاہیئے، اور نہاتے وقت اگرستر چھپا ہوا نہ ہو تو اس بات کابھی خیال رکھنا چاہیےکہ قبلہ کی طرف رخ نہ ہو۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
