مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
نجاست کی کتنی مقدر معاف ہے؟
سوال
درھم کی مقدار بتادیں آیا ناپاکی کی مقدار کتنی ہے؟ ہاتھ کی ہتھیلی کے بقدر بھی کہتے ہیں اور درھم کے بقدر بھی کہتے ہیں اور ایک روپیہ کے برابر بھی کہتے ہیں۔ میں نے اپنے علاقے کے علمائے کرام سے بھی پوچھا، لیکن تسلی بخش جواب نہیں ملا، اب میں پریشان ہوں کہ کتنی مقدار میں ناپاکی معاف ہے؟ برائے مہربانی آپ کوئی ایسا سہل اندازہ بتادیں یا پھر کسی ایسی چیز کا اندازہ بتادیں کہ وہ چیز پاکستان کے ہر علاقے سے باآسانی مل جاتی ہو، میری مشکل بھی دور ہوجائے اور سمجھنے میں بھی مجھے آسانی ہوجائے۔
جواب
اگر نجاست جسم والی ہو جیسے گوبر وغیرہ تو 86ء4(چار اعشاریہ چھیاسی) گرام وزن معاف ہے اور اگر نجاست پتلی ہو مثلاً پیشاب وغیرہ تو پھیلاؤ میں ہتھیلی کے گہراؤ کے برابر معاف ہے ۔فقہاء کرام نے ہتھیلی کے گہراؤ کی وسعت معلوم کرنے کا یہ طریقہ لکھا ہے کہ چلو میں پانی بھر کر ہتھیلی کو پھیلا دیا جائےجتنی جگہ میں پانی ٹھہرا رہےاتنی وسعت مراد ہے۔سینٹی میٹر کے اعتبار سے ہتھیلی کی پیمائش 94ء5(پانچ اعشاریہ چورانوے) سینٹی میٹر کے برابر معاف ہے ۔ بعض اکابرین نے اس کی مقدار دیہاتی ایک روپیہ کے برابر تحریر فرمائی ہے۔ جو آج کل ناپید ہوچکاہے۔ خلاصہ یہ ہے کہ ہتھیلی کی گہرائی کا اندازہ کرلینا بہتر ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
