مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
سوئمنگ پول میں پانی اور نہانے کے احکامات
سوال
گرمیوں کا موسم عروج پر ہے ،سوئمنگ پول میں اجتماعی تیراکی کا رجحان عام ہے ،دیکھنے میں یہ آیا ہے کہ: بعض سوئمنگ پول تو ایسے ہوتے ہیں جن میں پانی اس طرح سے جاری ہوتا ہے کہ مستقل یا وقفہ وقفہ سے ٹیوب ویل چلتا رہتا ہے اور اورفلو سے پانی نکلتا بھی رہتا ہے۔ اکثر پول ایسے ہوتے ہیں جن کا پانی بالکل بھی جاری نہیں ہوتا اور چھ چھ ماہ پانی تبدیل بھی نہیں کیا جاتا ،البتہ گھنٹہ وار، یومیہ یا ہفتہ وار حسب ضرورت کلوری نیشن ضرور کی جاتی ہے،نیز سوئمنگ پول عام طور پرx5 25 میٹر(125مربع میٹر)کا ہوتا ہے، پول میں بچے بڑے سب ہی نہاتے ہیں ، لہذا سوئمنگ پول میں کسی کے بھی یورن کا خطا ہو جانا کوئی مستبعدنہیں۔ اب سوال یہ ہے کہ:
نمبر۱ ۔مذکورہ کسی صورت میں سوئمنگ کے بعد کیا نل کے پانی سے غسل ضروری ہے اگر ضروری ہے تو کس درجہ ضروری ہے ؟
نمبر۲ ۔کیا اس غسل میں غسل واجب کی شرائط پوری کرنا ضروری ہوگا ؟
نمبر۳ ۔کتنے میٹر کے حوض کو دَہ دردَہ حوض کہا جائے گا ؟
نمبر۴ ۔ سوئمنگ پول کے حوالہ سے دَہ دردَہ حوض کے ضروری مسائل بھی بتادیں، تفصیلاً مدلل جواب عنایت فرما دیں۔
جواب
واضح رہے کہ 20.9032 مربع میٹر225) مربع فٹ (رقبے کا حوض دَہ دردَہ کے زُمرے میں آتا ہےاور دَہ دردَہ میں ذراع سے مراد ڈیڑھ فٹ ہے )اوزان شرعیہّ،ص46 ( تو اس طرح دَہ دردَہ کا مطلب ہوا پندرہ فٹ لمبا، پندرہ فٹ چوڑا۔ گہرائی اتنی کافی ہے کہ پانی لینے میں زمین نہ کھلے ،مذکورہ صورت میں حوض کا رقبہ ذکر کردہ معیار سے زائد ہونے کی وجہ سے ماء جاری کے حکم میں ہے،لہذا اس سےوضو اور غسل کرنا جائز ہے (مأخذہ:فتاویٰ محمودیہ((171/5۔
اور نہانے کے بعد نل کے پانی سے غسل کرنا شرعاً ضروری نہیں ہوگا، لیکن اگر نجاست کا اثر ظاہرہو ،یا پانی کا رنگ، ذائقہ یا بُو میں سے کوئی ایک وصف تبدیل ہو، تو ایسی صورت میں نل کے پانی سے غسل ضروری ہے وگرنہ پاکی حاصل نہ ہوگی،یاد رہے کہ معیاری سوئمنگ پول میں ڈاکٹر کی ھدایات کے مطابق نہانے سے پہلے اور نہانے کے بعد،نل کے پانی کے سے غسل احتیاطًا ضروری ہوتا ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
