مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
غریب شخص پرقربانی کے وجوب کا سبب کیا ہے؟(محقق اور مفصل)
سوال
کیا غریب شخص کا قربانی کےلئے صرف جانور خریدنے سے اس کے ذمہ قربانی واجب ہو جاتی ہے یا پھر قربانی کے دنوں میں قربانی کی نیت سے جانور خریدے تب اس کے ذمے قربانی واجب ہو جاتی ہے؟ اس مسئلے کی پوری وضاحت فرمائیں؟ احسن الفتاوی )۷/ ۴۸۲)کی عبارت بھی ملاحظہ فرمائیں ۔
جواب
غریب شخص پر قربانی
واضح رہے کہ جانور خریدنے والے غیر صاحب نصاب (غریب آدمی )پر قربانی واجب ہونے سے متعلق فقہاءکےمختلف اقوال ہیں، پہلا قول جو مشہوراور اکثر فقہاء کا ہے وہ مطلق ہے ،یعنی غیر صاحب نصاب شخص پر قربانی کی نیت سے جانور خریدنے سے اسی جانور کی قربانی واجب ہو جاتی ہے ،اس شخص کے لیے اس کو بیچنا جائز نہیں ہے، بلکہ اسی کو قربان کرنا واجب ہو جاتا ہے، اس قول کو عام کتب فقہ جیسے :شامی، مبسوط، ہندیہ، بدائع اور البحر الرائق میں اور اسی کے حوالے سے اکثر اردو فتاوی میں اختیار کیا گیا ہے۔ جیساکہ احسن الفتاوی میں بھی یہی موقف منقول ہے۔
دوسرا قول یہ ہے کہ ایام نحر میں جانور خریدنے سے قربانی واجب ہوگی ورنہ نہیں ہوگی ،ایام نحر کی قید صرف فتاوی تا تارخانیہ میں ہے۔فتاوی رحیمیہ اور فتاوی محمودیہ میں اسی کی بنیادپرفتویٰ دیاگیاہے۔ تیسرا قول بعض فقہاء کا ہے کہ غیر صاحب نصاب شخص پر قربانی کی نیت سے خریدنے سے متعین جانور کی قربانی واجب نہیں ہوتی ،بلکہ واجب ہونے کے لیے شرط یہ ہے کہ یہ شخص قربانی کی نیت سے جانور خرید کر اپنے اوپر زبان سےبھی اس کی قربانی واجب کر لے، مثلا :یوں کہے ،کہ میرے ذمے اس جانور کی قربانی لازم ہے وغیرہ،جس کو فقہاء کی اصطلاح میں”الایجاب بلسانہ “کہا جاتا ہے،پھر اس شخص پر قربانی کی نیت سےخریدے ہوئے متعین جانور کی قربانی واجب ہوگی۔لہٰذابظاہراحوط تو پہلاقول معلوم ہوتاہےتاہم آخری دونوں اقول پر بوقت ضرورت عمل کرنے کی گنجائش ہے۔
(ماخذہ:تبویب،دارالافتاء جامعہ دارالعلوم کراچی،بتصرف وتلخیص۔مؤرخہ۳۰-3-1430)
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
