مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
اشاعت التوحید و السنہ سے تعلق رکھنے والے امام کی اقتداء کا حکم
سوال
ہماری مسجد کے جو امام ہیں وہ اشاعت التوحید والسنہ سے تعلق رکھتے ہیں، جبکہ اُن کا ایک بیٹا حافظ قران ہے جو ڈارھی بالکل چھوٹی کرکے کٹواٹا ہے، ہمارے محلہ میں امام صاحب کے علاوہ ایک مفتی صاحب اور ایک مولانا صاحب ہیں، جو صحیح العقیدہ ہیں اور دیوبندیت سے تعلق رکھتے ہیں۔
مولانا صاحب کا کہنا ہےکہ امام صاحب اشاعت التوحید والسنہ سے تعلق رکھتے ہیں، جبکہ اُن کا عقیدہ درست نہیں ہے، حضرات مفتیان کرام کا فتویٰ ہےکہ اشاعت التوحید والسنہ والے ضال ومضل اور بدعتی ہیں، اِن کی امامت میں نمازیں پڑھنا درست نہیں ہے، جبکہ امام صاحب کی غیر موجودگی میں اُن کا بیٹا حافظ قران جو ڈارھی کٹواٹا ہے، نمازوں کی امامت کرتا ہے، مولانا صاحب کے بقول یہ بھی فاسق و فاجر ہونے کی وجہ سے امامت کا اہل نہیں ہے، جبکہ مفتی صاحب کا کہنا ہےکہ۔۔۔ شامی کا ایک قول ہےکہ اکیلے نماز پڑھنے سے بہتر ہے کہ فاسق و فاجر کے پیچھے نماز پڑھ لی جائے، لہذا دونوں باپ بیٹے کی امامت میں نمازیں درست ہیں۔ جبکہ مولانا صاحب کا کہنا ہےکہ یہ وقتی طور پر کبھی کبھار کیلئے ہے، مستقل طور پر فاسق و فاجر کے پیچھے امامت جائز نہیں ہے۔
اب برائے مہربانی اِن حالات میں آپ ہماری قرآن و سنت کی روشنی میں بہترین راہ نمائی فرمائیں، اہل محلہ اور عام نمازیوں کیلئے کیا حکم ہے؟ وہ اِس صورت حال میں کیا کریں؟
جواب
صحیح العقیدہ، صالح اور متقی شخص کو مسجد کا امام بنانا چاہئے ،اپنے اختیار سے کسی فاسد العقیدہ یا فاسق کو امام بنانا جائز نہیں؛ لہذا مسجد انتظامیہ اور با اختیار افراد پر لازم ہے کہ اہل سنت والجماعت کے عقائد سے منحرف یا ڈاڑھی کٹوا کر ایک مشت سے کم کروانے والے کسی شخص کو امام نہ بنائیں۔ نیز عوام پر بھی لازم ہے کہ صحیح العقیدہ، صالح شخص کی اقتداء میں نماز ادا کرنے کی حتی الوسع کوشش کریں، البتہ اس معاملہ میں انتشار پھیلانا ہرگز درست نہیں ہے۔ نیز اگر کبھی جماعت فوت ہونے کا اندیشہ ہو تو جماعت سے نماز ادا کرنا تنہا پڑھنے سے بہتر ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
