مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کیاسری نماز میں عین قراءت کے وقت مقتدی کے لئے ثناء پڑھنا جائز ہے؟
سوال
سری نماز میں امام کے قراءت شروع کرنے کے بعد کیا مقتدی “ثناء” پڑھ سکتا ہے؟اور اجازت کی صورت میں پھر کیا وجہ ہے کہ مقتدی کو امام کے پیچھے قراءت سے تو منع کیا گیا ہے لیکن “ثناء” سے نہیں؟
جواب
سِری نماز میں جب مقتدی حالتِ قِیام میں داخل ہو تو وہ ثناء پڑھےگا چاہے امام سِراً قراءت شروع کر چکا ہو۔ جہاں تک رہی آپ کی یہ بات کہ سِری نماز میں عین قراءت کے وقت جب مقتدی کے لیے قراءت کی ممانعت ہے تو ثناء پڑھنے کی کیوں کر اجازت ہے؟
تو اس کا جواب یہ ہے کہ قراءَت خَلفَ الاِمام پر نہئِ قرآنی وارد ہوئی ہے، اللہ تعالی کا فرمان ہے ” وَإِذَا قُرِئَ الْقُرْآنُ فَاسْتَمِعُوا لَهُ وَأَنْصِتُوا” یہ آیت نازل ہی اسی وجہ سے ہوئی کہ ایک صحابئِ رسول ﷺ نے نماز میں حضور علیہ السلام کے پیچھے قراءت کی تھی ، اس پر یہ حکم نازل ہوا کہ” جب قرآن پڑھا جائے تو اس کو غور سے سنو اور خاموش رہو، ہو سکتا ہے تم پر رحم کیا جائے “اور حدیثِ پاک میں آتا ہے کہ ” من صلی خلف الامام فان قراءۃ الامام لہ قراءۃ” یعنی “امام کی قراءت مقتدی کی قراءت ہے”۔ لہذا مقتدی کو قراءت کرنے کی ضرورت نہیں ہے اور ثناء قراءت نہیں ہے اور نہ ہی امام کی ثناء مقتدی کی ثناء ہے اور ثناء نماز کی ایک مستقل سنت بھی ہے اس لیے سرّی نماز میں قراءت کے وقت ثناء پڑھنے کی اجازت ہے، تا کہ سنت کو ترک کرنا لازم نہ آئے ۔ نیز جہری قراءت میں بہر حال خاموش رہنا چاہیے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
