مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
فجرکی سنتیں رہ جانے کی صورت میں ان کی ادائیگی کب کرے؟
سوال
اگر فجر کی جماعت میں شامل ہونے کی وجہ سے سنتیں رہ گئی ہوں اور فجر کی جماعت کے بعد نمازی کو اپنی نوکری کے سلسلے میں فوراً نکلنا ہوتا ہو جس میں واضح طور پر امکان ہو کہ اب طلوعِ شمس کے بعد میں فجر کی سنت نماز نہیں پڑھ سکوں گا تو ایسی صورت میں کیا حکم ہے ؟
جواب
مذکورہ مسئلہ کے حکم سے پہلے بطور تمہید یہ بات سمجھ لیں کہ سنّتوں کو فرض نماز سے پہلے ہی پڑھنے کی کوشش کرنی چاہیے لیکن اگر فرض نماز باجماعت شروع ہو چکی ہے تو پھر حکم یہ ہے کہ اگر فرض نماز کے تشہد ملنے کا امکان ہو تو جماعت کی جگہ سے ہٹ کر پہلے سنّتوں کو اداکرے اس کے بعد جماعت میں شریک ہو اور اگر تشہد کے ملنے کا امکان نہیں ہے تو پھر جماعت میں شریک ہو جائے اور سنّتیں طلوع شمس کے بعد ادا کرے ،طلوع شمس سے پہلے ادا کرنا درست نہیں ،مصروفیت کی وجہ سے بھی طلوع آفتاب کے بعدہی ادا کرے ، طلوع آفتاب سے پہلے ادا نہ کرے اور اگر طلوعِ آفتاب کے بعد کسی وجہ سے ادا نہ کر سکا یہاں تک کہ زوال ہوگیا تو اب سنّتوں کی کوئی قضاءنہیں ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
