ایک شخص عرصہ تقریباً دس سال سے امامت و تدریس کے فرائض سر انجام دے رہا ہے اور الحمدللہ صحیح العقیدہ سنی مسلمان ہے ۔کبھی ایسا کوئی عقیدہ یا مسئلہ جو عقائدِ اہلسنت کے متضاد ہو نہ کبھی بیان کیا ہے اور نہ اُس عقیدے سے کسی قسم کا تعلق ہے ، البتہ چند روز پہلے ایک مسئلہ یہ ہوا کہ ایک محلہ دار کچھ عرصہ سے بیرون ملک جرمنی گیا ہوا تھا اس کی وہیں پر وفات ہو گئی اور اس کی نعش پاکستان لائی گئی ،اُس کے بارے میں مشہور تھا کہ وہ بیرون ملک جانے کے لیے قادیانیت اور مرزائیت کا فارم فل کر کے گیا ہے لہذا موقع پر موجود کچھ علماءِ کرام نے یہ کہا کہ جی ایسے شخص کا جنازہ پڑھنا جائز نہیں ہے ، جب کہ سائل توقیر احمد موقع پر موجود نہ تھا بلکہ اپنی خاندانی فوتگی کی اطلاع انتظامیہ کو دے کر چلا گیا تھا جب واپس ڈیوٹی پر آیا تو لوگوں نے سوال کیا تو بندہ نے کہا جی میں اہلِ خانہ سے دریافت کر کے بتاتا ہوں کیونکہ بغیر تحقیق و تصدیق کے کچھ نہیں کہہ سکتا ، چنانچہ میں نے اہلِ خانہ سے پو چھا تو انہوں نے بتلایا کہ ایسی کوئی بات نہیں ہے وہ مسلمان ہے اور اس کا جنازہ بھی ہوا ہے اور محلے کے ہی ایک امام مسجد نے پڑھایا ہے ، میں نے فون کرنے والوں کو بتلا دیا ،لیکن چونکہ ایک پروپیگنڈہ کی سی فضا بنی ہوئی ہے تھی لوگ کہہ رہے تھے کہ ان مولویوں نے مسلمان کو مرزائی بنا دیا ہے (معاذاللہ ) لہذا فلاں فلاں مولوی صاحب کو امامت سے فارغ کیا جائے۔