واضح رہے کہ جمعہ درست ہونے کے لیے شہر /قصبہ یا اس کا مضافات ہونا شرط ہے ، چھوٹے گاؤں میں جمعہ اداکرنا صحیح نہیں ہے ،اور قصبہ اسے کہتے ہیں جس میں متصل آبادی دوتین ہزار کے قریب یا اس سے زیادہ ہو اورروزِ مرہ کی ضروریات پر مشتمل بازار روزانہ لگتاہو ، اس میں ڈاکٹر یا حکیم موجود ہو ، ڈاکخانہ بھی ہو،اور پولیس کا تھانہ یا چوکی بھی ہو ،اور اس میں مختلف محلے مختلف ناموں سے موسوم ہوں، اس تفصیل کی روشنی میں چاہ مقیمانوالا اگر چھوٹا گاؤں ہے اور اس میں جمعہ ادا کرنے کی شرائط نہیں پائی جارہیں تووہاں جمعہ اداکرنے کی بجائے ظہر کی نماز اداکرنے کا اہتمام کیا جائے ،اور گذشتہ عرصہ کی ظہر کی نمازوں کی قضا کریں، لیکن اگر جمعہ کا سلسلہ منقطع کرنے کی صورت میں شدید انتشار یا پھوٹ پڑنے کا اندیشہ ہو تو اس علاقے کے مجاز افسر مثلاً ضلعی ناظم ،ڈپٹی کمشنر اور سیشن جج وغیرہ کی اجازت سے وہاں جمعہ کی نماز اداکرسکتے ہیں ،البتہ اس افسر کی موت یا تبدیلی کی صورت میں نئے افسر سےدوبارہ اجازت لینا ضروری ہوگا ۔