مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
مسافر امام بھول کر اتمام کرلے تو اس کی اور دیگر نمازیوں کی نماز کا حکم
سوال
حضرات مفتیانِ کرام زید مجدھم ایک مسئلہ کی وضاحت مطلوب ہے قرآن وسنت کی روشنی میں صراحت فرمائیں۔ مسئلہ یہ ہے کہ ایک عالم یا قاری کسی شرعی سفر پہ جاتا ہے،اور وہاں ٹھہرتا ہے پھر وہاں کی مسجد میں نماز پڑھاتا ہے مسئلہ معلوم نہ ہونے کی وجہ سے یا بھول کر چار رکعات پڑھا دیتا ہے وہ مقتدیوں کو یہ بھی نہیں بتاتا کہ میں مسافر ہوں،اور آخر میں سجدہ سہو وغیرہ بھی نہیں کرتا۔آیا اس کی نماز اور مقتدیوں کی نماز ہوجائے گی یا نہیں؟نیز اس غلطی کی وجہ سے کوئی گناہ وغیرہ تو نہیں ہوگا؟جواب دے کر عنداللہ ماجور ہوں۔
جواب
مسافر ِ شرعی پر قصر نماز پڑھنا واجب ہے۔اگر کوئی مسافر امامت کرواتے ہوئے چار رکعات پڑھادے تو مقیم مقتدیوں کی نماز فاسد ہوجائے گی۔کیوں کہ مسافر امام کی آخری دو رکعات نفل ہیں جبکہ مقیم مقتدیوں کی فرض ہیں،اور فرض پڑھنے والوں کی نماز نفل پڑھنے والوں کے پیچھے درست نہیں۔اگر امام نے قعدہ اولیٰ کرلیا ہو تو خود اس کی اور مسافر مقتدیوں کی نماز اخیر میں سجدہ سہو کرنے سے درست ہوجائے گی۔
صورتِ مسئولہ میں امام نے چونکہ سجدہ سہوبھی نہیں کیااس لئے سب کی نماز واجب الاعادہ ہے تاہم بھول کر ایسی غلطی کرنے کی صورت میں امام گناہگار نہیں ہوگا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
