مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
گاؤں میں جمعہ کی نماز کا حکم
سوال
ایک مسئلہ کے بارے میں راہنمائی درکار ہے ،ہمارا گاؤں جس میں اشیاء خورد و نوش کی چار سے پانچ دکانیں ہیں جن میں کپڑے جوتے وغیرہ بھی دستیاب ہیں،اس کے ساتھ پرائمری سکول اور ایک ڈاکٹر جو گھر کے کام کاج کے ساتھ ساتھ علاج معلاجہ وغیرہ بھی کرتا ہے نیز گاؤں کی آبادی پندرہ سے دو ہزار ہے اب وہاں امام صاحب صرف عیدین پڑھاتے ہیں اور جمعہ پڑھنے کے لئے شہر جاتے ہیں ،اب شریعت کی روشنی مین ان کا مذکورہ بستی میں جمعہ پڑھنا درست ہے یا نہیں ؟ جواب مرحمت فرما کر ممنون فرمائیں ۔
جواب
اصلاً شہر میں نمازِ جمعہ قائم کرنا واجب ہے،یا ایسا بڑا گاؤں یا قصبہ ہو جس میں گلی کوچے اور بازار وغیرہ ہوں اور ضروریاتِ زندگی عام طور پر ملتی ہو تو اس میں بھی نماز جمعہ قائم کرنا جائز ہے،البتہ چھوٹا گاؤں جس میں عام ضروریاتِ زندگی مہیا نہ ہوں اس جگہ جمعہ قائم کرنا درست نہیں ہے اور صورت مسئولہ میں بستی کے جو احوال بیان کیے گئے ہیں ان سے معلوم ہوتا ہے یہ بستی چھوٹا گاؤں ہے جو قصبہ کے حکم میں نہیں ہے لہذا یہاں پر جمعہ قائم کرنا جائز نہیں ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
