مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
قربانی کےلیے ایک جانور خریدنے کے بعد اسے واپس کرکے دوسرا جانور خریدنا
سوال
(الف) سائل نے اپنے گھرانے کے افراد کیلئے قربانی کے لیے ایک گائے خریدی ہے ،جس کے متعلق بعد میں پتہ چلا کہ تین مہینے کی گابھن ہے ، جو اس کام کے ماہر ہوتےہیں ان سے تسلی کرکے یقین دہانی کروائی ہے ۔لہٰذا اب پوچھنا یہ ہے کہ کیا اسی گائے کی قربانی کی جائے یا اس کو چھوڑ کر دوسرا جانور قربانی کےلیے خریداجائے؟ (ب) دوسری عرض یہ ہے کہ جس سے گائے خریدی ہے انہوں نے سوکھی سمجھ کر فروخت کی ہے۔اب جب انہیں پتہ چلا کہ گابھن ہے تو ان کی بھی خواہش ہے کہ انہیں گائے واپس کردی جائے ۔
اب ہم ان کے ساتھ تعاون کرنے کےلیے انہیں واپس کرکے کسی اور جگہ اپنےلئے دوسرا جانور جو اس سے بہتر بھی یا کم تربھی ہوسکتاہے خرید سکتے ہیں ؟
جواب
سوال میں ذکر کردہ چار ماہ سے کم کے گابھن جانور کی قربانی شرعاً درست ہے البتہ اگر جانور قریب الولادۃ ہو اور بچہ کے مرنے کا اندیشہ ہوتو اس کو ذبح کرنا مکروہ ہے تاہم قربانی ہوجائے گی ۔
سوال میں ذکر کردہ صورت میں اگر جانور خریدنے والاشخص صاحب نصاب ہے تو اس صورت میں یہ گائے واپس کرکے دوسرا جانور خرید سکتاہے ، البتہ پہلے جانور کی قیمت سے کم قیمت کا جانور اگر خریدا تو اس صورت میں زائد قیمت صدقہ کرنا ہوگی ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
