جمعہ اورعیدین کی صحت کےلئےشہریاقصبہ کا ہوناضروری ہے۔اورقصبہ کی تعریف ہمارے عرف میں یہ ہے کہ جہاں آبادی چارہزارکےقریب یااس سےزیادہ ہواورایسابازارموجودہوجس میں دوکانیں چالیس پچاس متصل ہوں اوربازار روزانہ لگتاہواوراس بازارمیں روزمرہ کی  ضروریات ملتی ہوں مثلا:جوتےکی دوکان بھی ہواورکپڑےکی بھی ہو،غلہ کی بھی اوردودھ گھی کی بھی،اوروہاں ڈاکخانہ بھی ہو،اورڈاکٹریاحکیم بھی ہوں، معماراورمستری بھی ہوں وغیرہ وغیرہ،اورپولیس یاچوکی بھی ہواوراس میں مختلف   محلّےمختلف ناموں سے موسوم ہوں۔چنانچہ جس بستی یاگاؤں میں یہ شرائط موجود ہوں وہاں جمعہ اورعیدین کی نمازاداکرناصحیح ہےاور جہاں یہ شرائط موجودنہ ہوں وہاں جمعہ اورعیدین کی نمازاداکرنا درست نہیں۔مذکورہ شرائط آپ کےگاؤں میں پائی جاتی ہےیانہیں اس کافیصلہ بااثر مقامی علماءکوجگہ دکھاکرکروائیں،  اگریہ شرائط پائی جاتی ہوں  توجمعہ جاری رکھیں اور اگر نہ پائی جاتی ہوں  توحکمت ومصلحت کے ساتھ اس کو ختم کرنےکی کوشش کریں۔