مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
گاؤں”کوٹ شہاب الدین” تحصیل چونیاں میں نمازِ جمعہ کا حکم
سوال
ہماری بستی “کوٹ شہاب الدین تحصیل چونیاں ” میں تقریباً پچیس گھر ہیں ۔ جن میں تقریباً نوے افراد بالغ ہیں ۔ہم اپنی بستی میں جمعہ پڑھنے کے حوالے سے پریشان ہیں ۔ایک فریق کہتا ہے “یہاں نمازِ جمعہ نہیں ہوتی کیونکہ شرائط نہیں پائی جاتیں۔
فریقِ ثانی کہتا ہے کہ یہاں نمازِ جمعہ ہو سکتی ہے جبکہ شہری آبادی ہم سے تقریباً دو کلومیٹر کے فاصلے پر ہے۔تو کیا مذکورہ بستی میں جمعہ کا قیام درست ہے ؟
جواب
واضح رہے کہ کسی جگہ نمازِ جمعہ درست ہونے کے لیے اس جگہ کا”شہر “یا “قصبہ ” ہونا ضروری ہے۔نیزایسا بڑا گاؤں جس کی آبادی تقریباًچار ہزار یا اس سے زائد ہو،اس میں سڑکیں، ، ڈاکخانہ،تھانہ،مختلف ناموں سے موسوم محلے اور ایسا بازار ہو جس میں تیس چالیس متصل دکانیں ہوں اور اس بازار میں ضروریاتِ زندگی سے متعلق تمام اشیاء جیسے :کپڑے ،جوتے ،غلہ ،گوشت ،سبزی ،دودھ وغیرہ کی دکانیں ہوں تو وہ شہر کے حکم میں ہے اور وہاں بھی نمازِ جمعہ جائز ہے ۔(ماخذہ :امداد الاحکام 756/1, ،ط:دارالعلوم)
سوال میں ذکر کردہ صورتِ حال اور مندرجہ بالا وضاحت سے معلوم ہوا کہ آپ کا گاؤں “کوٹ شہاب الدین ” مذکورہ شرائط پر پورا نہیں اترتا لہٰذا یہاں نماز ِ جمعہ قائم کرنا درست نہیں ۔یہاں کے مقامی افراد جمعہ کے دن اپنے گاؤں کی مسجد میں نمازِ ظہر باجماعت ادا کریں گے ۔ اگر یہیں اپنے گاؤں میں جمعہ کی نماز پڑھی تو ظہر کی نماز بدستور ذمہ میں باقی رہے گی۔ نیز ہر ایک کو چاہیے کہ انتشار کو فروغدینے سے گریز کرے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
