مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ڈوب کر،جل کر، ٹریفک حادثےمیں مرنےوالےپرنمازِجنازہ کا حکم
سوال
اگرکوئی آدمی کسی حادثہ میں مرجائے،مثلاً :پانی میں ڈوب کریاآگ میں جل کریاپھرکسی ٹریفک حادثہ میں توایسےشخص کوغسل دیاجائےگایانہیں؟اوراس کی نمازِجنازہ پڑھی جائی گی یانہیں اور اگرکوئی شخص آگ میں جل کرراکھ ہوجائےتواس کی نمازِجنازہ کاکیاطریقہ ہوگا ؟
جواب
الف۔ جوشخص پانی میں ڈوب کر مر جائے اور لاش پھولی ہوئی یا پھٹی ہو ئی نہ ہو تو اسے نکالنے کے بعد غسل دینا ضروری ہے پانی میں ڈوبنا غسل کے لئے کافی نہیں، ہاں اگر پانی سے نکالتے وقت غسل کی نیت سے میت کو پانی میں حرکت دے دی جائے تو غسل ہوجائے گا ،لیکن اگر لاش اس قدر پھول جائے کہ غسل کے لئے ہاتھ لگانے سے پھٹ جانے کا اندیشہ ہو تو صرف پانی بہا دینا کا فی ہے ،اس کے بعد کفن دے کر نمازِ جنازہ ادا کرنا ضروری ہے،البتہ اگرغسل دینے اور نمازِ جنازہ اداکرنے سے پہلے لاش پھٹ جائے تو اسےنہ تو غسل دیاجائے اور نہ ہی اس کی نمازِ جنازہ ادا کی جائے ، غسل اور نمازِ جنازہ کے بغیر کسی کپڑے میں لپیٹ کر دفن کردیا جائے۔
ب۔ آگ میں جل کر فوت ہونے والے شخص کے بدن کا اکثر حصہ جلنے سے محفوظ ہو اگر چہ سر جل گیا ہو یا سر کےساتھ آدھا بدن محفوظ ہو یا پورا جسم اس طرح معمولی جلا ہو کہ گوشت،پوست اور ہڈیاں سالم ہوں تو اس کو غسل بھی دیا جائے اور اس کی نمازِ جنازہ بھی اداکی جائے، لیکن اگر جسم جل کر بالکل راکھ بن گیا ہو یا بدن کا اکثر حصہ جل کر خاکستر ہوگیا تو اس کو غسل و کفن دینا اور اس کی نمازِ جنازہ اداکرنا ضروری نہیں ، کسی کپڑے میں لپیٹ کر دفن کر دینا چاہئے ۔
ج۔جو شخص کسی ٹریفک حادثے میں فوت ہوجائے اور بدن کا اکثر حصہ یا سر کے ساتھ آدھابدن محفوظ ہوتو اسے غسل وکفن دےکر اس کی نمازِ جنازہ اداکی جائے گی ورنہ نہیں ۔(مأخذھٰذہ المسائل :احکام ِمیت (ص:112تا 114) مکتبہ عثمانیہ راولپنڈی)
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
