نمبر ۱۔صورتِ مسئولہ میں مرحومہ نےبوقتِ انتقال اپنی ملکیت میں جوکچھ منقولہ وغیرمنقولہ مال وجائیداد، مکان،سونا، چاندی، نقدی، برتن، کپڑے غرض ہر قسم کاچھوٹا بڑا ساز وسامان چھوڑا ہے، وہ سب مرحومہ کاترکہ ہے۔ سب سے پہلے مرحومہ کے کفن ودفن کے اخراجات ترکہ میں سے منہاکریں بشرطیکہ کسی نے بطور تبرع ادا نہ کئے ہو ، پھر اگر مرحومہ کے ذمہ کوئی قرض واجب الادا ہو تو وہ تركہ میں سے ادا کریں،اس کے بعد دیکھیں اگر مر حومہ نے غیر وارث کے حق میں کوئی جائزوصیت کی ہو تو بقیہ مال میں سے ایک تہائی (۱/۳) مال کی مقدار تک اس پر عمل کریں۔ اس کے بعد کل مال کے مساوی نو حصے کر کے ہر بیٹے کو (دو) حصے اور بیٹی کو ایک حصہ دے دیا جائے بشرطیکہ کوئی اور شرعی وارث نہ ہو۔