جس طرح فرض نمازوں میں بالغ حضرات کے لئے نابالغ کی اقتداء درست نہیں اسی طرح وتر اور تراویح کی نماز بھی بالغ مردوں کی نابالغ حفاظ کےپیچھے نماز ا دانہیں ہوگی۔ اس لئے تراویح کی نماز کے لئے بھی بالغ مرد کو امام مقرر کرنا ضروری ہے اور اگر کسی مسجد میں کمیٹی کے حضرات نابالغ امام مقرر کریں تو انہیں حکمت و مصلحت کے ساتھ فساد و انتشار سے بچتے ہوئے صحیح مسئلہ سمجھا دینا چاہئے۔ پھر بھی اگر وہ نہ مانیں تو اپنی نماز دوسری مسجد میں کسی بالغ ، صالح اور صحیح العقیدہ امام کے پیچھے ادا کرلی جائے ۔نیز واضح رہے کہ اگر لڑکا پندرہ سال سے کم عمر ہو اور اسے احتلام یا انزال ہو جائے تو وہ بالغ  ہے اور اس کی اقتداء میں نماز درست ہے اور اگر یہ علامت ظاہر نہ ہوئی ہو تو  پندرہ سال مکمل ہونے کے بعد بالغ ہو گا۔