صورت مسئولہ میں اگر اس شخص کو پیشاب کے قطرے اس تسلسل کے ساتھ آتے ہیں کہ کسی ایک فرض نماز کے پورے وقت میں اس کو پیشاب کے قطرے آتے رہے اور اس کو اتنا وقت بھی نہیں ملا کہ وضو کر کے فرض نماز ادا کرے تو یہ شخص معذور ہوگا اب جب تک ہر نماز کے وقت میں کم از کم ایک دو مرتبہ قطرے آتے رہے اس وقت تک یہ شخص شرعاً معذور کے حکم میں ہے اور اس کے لیے حکم یہ ہے کہ وہ ہر نماز کے وقت نیا وضو کرے اور اس وضو سے اس نماز کے وقت کے اندر اندر جتنے چاہے فرض و نوافل ادا کر سکتا ہے۔