مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
مشترکہ طور پر خریدی گئی زمین میں ملکیت کا حکم
سوال
میرے چار چچا اور والد صاحب سب زندہ ہیں۔ ان کے درمیان با قاعدہ کوئی عقدِ شرکت (شراکت داری کا معاہدہ) نہیں ہوا تھا، البتہ سب ایک ساتھ کھاتے پیتے تھے۔ جب میں بڑا ہوا اور کام کاج کے قابل ہوا، اس وقت تک ان کے پاس کوئی خاص سرمایہ نہیں تھا۔ اس کے بعد میں بھی کماتا تھا، اور میرے چچا اور والد صاحب بھی اپنا اپنا کام کرتے اور کماتے تھے۔ ہر ایک کا الگ کاروبار تھا۔ میں کبھی خود الگ کام کرتا، اور کبھی چچا کے ساتھ کام کر لیتا۔ والد صاحب کے ساتھ میں نے نہ کبھی کام کیا، اور نہ ہی ان کے سرمایے سے کوئی کاروبار کیا۔اسی دوران، چند سال بعد ہم سب نے مل کر ایک زمین خریدی، جس میں میرا بھی پیسہ شامل تھا، اور چچا و والد صاحب کا بھی۔ اب سوال یہ ہے کہ اس زمین کی تقسیم میں میر احق ہے یا نہیں ؟
جواب
مشترکہ زمین کی ملکیت
صورت مسئولہ میں جب آپ تینوں نے اپنے اپنے پیسے ملاکرمشترکہ زمین خریدی ہے، اورآپ نے اس خریدی گئی زمین میں پیسےاپنےوالدصاحب کو تعاون کے طور پر نہیں دیے بلکہ خود اس میں شریک ہونے کےلئے دیے تھے،تواس صورت میں اس خریدی گئی زمین میں آپ تینوں مشترکہ مالک ہیں۔اوراس زمین میں ہر ایک کی ملکیت کا تناسب اس کے سرمایہ کے بقدر ہے، لہذا اس زمین کی تقسیم میں آپ اپنے لگائے ہوئے سرمایہ کے تناسب سے حق دار ہیں۔لیکن اگرآپ نے اس خریدی گئی زمین میں پیسےاپنے والدصاحب کوتعاون کے طور پر دیے تھے تو پھر اس خریدی گئی زمین میں آپ کا کوئی حق نہیں اور وہ خریدی گئی زمین صرف آپ کے والدصاحب اور چچا کے درمیان ان کے سرمایہ کے تناسب سےمشترک ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
