مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
دوران ِ حج خوشبودار مشروبات کا استعمال
سوال
کتاب مسائل حج و عمرہ میں ہے کہ ایسی بوتل، شربت اورپھولوں کا رس جن میں خوشبو ڈالی گئی ہو احرام کی حالت میں نہ پی جائیں، اگر تھوڑی مقدار میں ایک مرتبہ پییے گا تو صدقہ ( پونے دو کلو گیہوں یا اس کی قیمت) واجب ہوگا اور اگر زیادہ مقدار میں پیا تھوڑا تھوڑا دو تین بار تو دم واجب ہوگا، اور جس بوتل میں بالکل خوشبو نہ ڈالی گئی ہو وہ پینا جائز ہے۔
(فتاوی رحیمیہ ج۲،ص ۳۰۲، بحوالہ شامی ج۲، ص ۲۷۷)
اگر خوشبو پینے کی چیز میں ملائی اگر خوشبو غالب ہے تو دم دے اور اگر مغلوب ہے تو صدقہ دے مگر جو مغلوب جو بار بار استعمال کرے تو دم واجب ہے ۔ پس اگر بہت پیا تو دم اور تھوڑا پیا تو صدقہ ہے اور اگر تھوڑا تھوڑا دوبار پیا تو دم لازم ہے۔
(زبدۃ المناسک ج۲، ص ۴۱ ، وہکذا کتاب الفقہ ج۱ ، ص۱۰۵۸، واحکام حج ص ۹۲)
پیپسی اور اس جیسی دوسری چیزوں میں خوشبو تو ہوتی ہے اگر آپ کم یا زیادہ خوشبو کی وجہ سے کہہ رہے ہیں تو بھی ان اوپر دئیے ہوئے فتاوی میں ایک میں دم اور دوسرے میں صدقہ ہے۔ آپ حضرات کس بنا پر کہتے ہیں؟ جزاک اللہ خیرا
جواب
واضح رہے کہ خوشبو ہر وہ چیز ہے جس میں اچھی بو آتی ہو،اس کو خوشبو کے طور پر استعمال کیا جاتا ہو،اور عرف میں اس کو خوشبو شمار کیا جاتا ہو جیسے:مشک،زعفران،صندل،گلاب،حنا،چنبیلی اور دیگر عطریات و خوشبودار چیزیں۔خوشبو کی یہ تعریف پیپسی وغیرہ مشروبات میں صادق نہیں آتی،اس لئے اس کو پینے سے دم یا صدقہ لازم نہیں آئے گا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
