مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
بغیر وصیت کے مر حوم کی طرف سےقضاء نمازوں کا فدیہ اور حج بدل اداکرنا
سوال
والد کے فوت ہونے کےبعد اولاد یا خاوند کے فوت ہو نے کے بعد بیوی یہ چاہتی ہے کہ ہم اپنے مرحوم کی طرف سے قضاء نمازوں کا فدیہ ادا کریں اور اس کی طرف سے حج بدل بھی کرلیں ۔اب دریا فت طلب امریہ ہے کہ
نمبر۱۔قضاء نمازوں کے فدیہ کی مقدار کیا ہے ؟
نمبر۲۔ جمعہ ، وتر بھی قضاء نمازوں میں شامل کئے جائیں گے یا نہیں؟
جواب
نمبر1- صورت ِ مسئولہ میں جب مرحوم نے نمازوں کے فدیہ اور حج کی وصیت نہیں کی ہے توان کی فوت شدہ نمازوں کا فدیہ ادا کرنا يا ان كی طرف سے حجِ بدل کروانا واجب نہیں، البتہ اگر كوئی وارث اپنی مرضی اور خوشی سے اپنے ذاتی مال میں سے، یا اگر تمام ورثاء عاقل و بالغ ہوں تو سب باہمی رضامندی سے مشترکہ ترکہ سے مرحوم کی فوت شدہ نمازوں کا فدیہ اداكرناچاہیں توکرسكتے ہیں اور مرحوم كی جانب سے حجِ بدل كرواسکتے ہیں۔ امید ہے کہ اللہ تعالی اس فدیہ اورحج بدل کو قبول فرمالیں گےاورمرحوم کے ذمہ قضاء نمازوں اورحج کی ذمہ داری ختم ہوجائے گی۔
نمازوں کے فدیہ کی مقدار یہ ہے کہ ہر فرض اور واجب نماز کے بدلے میں پونے دو کلو خالص گندم یا اس کی قیمت دیدیں ، احتیاطاً دو کلو گندم یا اس کی قیمت دیدیں تو زیادہ بہتر ہے۔
نمبر2- فوت شدہ نمازِ جمعہ اور وترکے بدلہ میں بھی فدیہ اداکیاجائے گابشرطیکہ جمعہ فوت ہونے کی صورت میں نمازِ ظہر بھی ادانہ کی ہو۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
