مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
رضا کارکے لیے خدمت کے دوران ہونے والے اخراجات کا مطالبہ کرنا کیسا ہے؟
سوال
شعائر اللہ (قربانی کے جانوروں) کی خدمت کے لیے مدرسے والوں نے کسی شخص کو چارہ لانے کی ذمہ داری سونپی۔ ظاہر ہے کہ چارہ عام طور پر کسی سواری کے ذریعے کرایہ دے کر لایا جاتا ہے اور وہ کرایہ بھی عرف میں معلوم و متعین ہوتا ہے۔ اب اگر وہ شخص یہ چارہ اپنی موٹر سائیکل پر (جس میں پٹرول خرچ ہوتا ہے) یا کسی اور کی سواری پر یا خود اپنے کندھوں پر اٹھا کر لاتا ہے، اور وہ متعین کرایہ (جو عام طور پر سواری پر دینے کا ہوتا ہے) اپنے پاس رکھ لیتا ہے، بغیر مدرسے والوں کو اطلاع دیے، اس بنیاد پر کہ اس نے یا تو اپنی سواری استعمال کی یا خود محنت کی تو کیا اس کا یوں کرایہ رکھ لینا شرعاً جائز ہے یا نہیں؟ واضح رہے کہ مدرسہ والوں نے چارہ کسی مخصوص سواری کے ساتھ لانے کی پابندی نہیں لگائ ہے۔
جواب
اخراجات کا مطالبہ
مدرسہ کی انتظامیہ کو چاہیے کہ وہ معاملات ابتدا ہی سے طے کرے اور معاملات کو صاف رکھے ،مذکورہ صورت میں چارہ لانے والے اور مدرسہ کی انتظامیہ کے درمیان کوئی عقد اجارہ نہیں ہوا بلکہ چارہ لانے والا رضاکارانہ طور پر یہ خدمات سر انجام دے رہا ہے تو اگر چارہ لانے پر اخراجات نہیں ہوئے تو اس کے لیے کرایہ نکالنا جائز نہیں اور اگر چارہ لانے کی صورت میں پٹرول وغیرہ کے اخراجات ہوئے ہوں تو مدرسہ کو چاہیے کہ وہ اخراجات رضاکار کو مطالبہ پرادا کرے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
