مذکورہ الفاظ” اگر تو فلاں شخص کے گھر گئی تو مجھ سے ختم ہے “کہنے والے کی نیت کے محتاج ہیں، لہٰذااگر ان الفاظ سے طلاق کی نیت ہو (جیسا کہ بظاہر معلوم ہو رہا ہے)اور بیوی اس شخص کے گھرچلی جائے تواس پر ایک طلاق بائن واقع ہو جائے گی اور نکاح ختم ہو جائے گا ۔عدت کے دوران یا عدت کے بعد اگر دوبارہ ساتھ رہنے پر دونوں رضامند ہوں تو نئے مہر کے ساتھ از سر نو نکاح کر کےاکٹھے رہ سکتے ہیں۔ اور یہ حکم صرف پہلی دفعہ جانے کی صورت میں ہے اس کے بعد جب بھی اس شخص کے گھر جائے گی تواس سے کوئی طلاق واقع نہیں ہوگی۔اور ایک طلاق سے بھی بچنے کا صرف ایک ہی حل ہے کہ بیوی اس شخص کے گھر نہ جائے۔