مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
غیر مستحق شخص کا زکوۃ لے کر مستحق کو دینا کیسا ہے؟
سوال
زید صاحب نصاب ہے، یعنی خود زکوۃ کے مستحق نہیں۔ انہوں نے خالد سے زکوۃ کی رقم اس نیت سے وصول کی کہ وہ یہ رقم اپنے ایسے قریبی رشتہ دار کو دیں گے جو شرعا مستحق زکوۃ ہے۔اب درج ذیل امور میں شرعی راہنمائی درکار ہے
نمبر۱۔ اگر خالد نے زید کو محض زکوۃ دے دی، اور اسے نہ تو زید کے مستحق ہونے کا علم ہے، اور نہ ہی زید کو مستحق رشتہ دار کا وکیل بنایا ہے ، تو ایسی صورت میں زید کا یہ رقم لینا اور آگے دینا شرعاً درست ہے یا نہیں ؟
نمبر ۲۔ اگر زید خود زکوة کا مستحق نہیں، تو کیا وہ صرف نیت سے (بغیر وکالت کے ) مستحق رشتہ دار کوز کوۃ پہنچا سکتا ہے ؟
نمبر ۳۔ اور اگر زید کا وہ رشتہ دار ، جسے یہ رقم دی جائے، معاملے کی تمام تفصیل جانتا ہو۔ یعنی یہ کہ رقم ایک غیر مستحق شخص (زید) کے ہاتھ سے آئی ہے۔ تو کیا اس کے لیے یہ رقم بطور ز کوۃ قبول کرنا جائز ہے ؟
نمبر ۴۔ کیا ایسی صورت میں زکوۃ ادا بھی ہو جائے گی یا نہیں؟ اور اگر نہیں ہوتی تو خالد پر دوبارہ زکوۃ دینا لازم ہے یا نہیں؟
جواب
غیر مستحق شخص کا زکوۃ لینا
نمبر (۱،۲)صورت مسئولہ میں زید کے لیے اس رقم کو لےکراپنے مستحق رشتہ دار کو دیناشرعاً درست نہیں،بلکہ اسے واپس کر دینی چاہیئے۔
نمبر۳۔معلوم ہونے کی صورت میں قبول کرنا درست نہیں ہے کیونکہ زید اس رقم کا مالک ہی نہیں ہے۔
نمبر۴۔اگر خالد نے غور و فکر کر کے زید کو مستحق سمجھ کر زکوٰۃ کی رقم دی پھر چاہے وہ مستحق ہو یا نہ ہو، دونوں صورتوں میں اس کی زکوۃ ادا ہو گئی،(تاہم زید کو جب علم ہے تو اس کے لیے لینا درست نہیں جیسا کہ اوپر ذکر دیا گیا) لیکن اگر خالد نے بغیر غور و فکر کے زید کو مستحق سمجھ کر زکوۃ دی ہے تو پھر اس کو دوبارہ زکوۃ ادا کرنی ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
