مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
تم میری طرف سے فارغ ہو” ” تمہیں میری طرف سے طلاق ہے” میں تمہیں طلاق دیتا ہوں ” وقفہ وقفہ سے بیوی کو کہنا”
سوال
میں نے نکاح کے دو سال بعد اپنی بیوی کو غصے کی حالت میں کہا “تم میری طرف سے فارغ ہو” اس کے بارے میں، میں نے کسی سے مسئلہ دریافت نہیں کیا اور تین سال بعد سعودیہ سے آکر اپنی بیوی کے ساتھ رہنے لگا۔
پہلی مرتبہ جب “تم میری طرف سے فارغ ہو” کہا تھا اس وقت میری نیت طلاق ہی تھی،دوسری مرتبہ تقریباً چھ سال پہلے میں نے اپنی بیوی کو اپنی پھوپھی کے ساتھ جھگڑے کے دوران کہا ” تمہیں میری طرف سے طلاق ہے” تیسری مرتبہ تقریباً دس دن پہلے میری بیوی اور پھوپھی کی پھر لڑائی ہوئی اس دوران میں نے پھر یہ الفاظ کہے ” میں تمہیں طلاق دیتا ہوں۔
جواب
مذکورہ صورت کے مطابق جب شوہر نے طلاق کی نیت سے اپنی بیوی کو کہا “تم میری طرف سے فارغ ہو” تو اس سے ایک طلاق بائن واقع ہو گئی تھی اور ان دنوں کا نکاح ختم ہو گیا تھا، اس کے بعد دونوں کا اکٹھے رہنا حرام اور گناہ کا باعث تھا، نیز پہلی دفعہ فارغ کا لفظ کہنے کے بعد اگر عدت گزر گئی جیسا کہ سوال سے ظاہر ہے اور بعد میں دوسری اور تیسری طلاق دی تو مزید طلاق واقع نہیں ہوئی لہذا اب ان دونوں مرد و عورت پر خوب خوب توبہ و استغفار لازم ہے اور آئندہ نکاح کے رشتے میں منسلک ہونے کے لیے باہمی رضامندی سے نئے حق مہر اور دو گواہوں کی موجودگی میں نیا عقدِ نکاح کرنا ضروری ہے، البتہ آئندہ اب شوہر کے پاس مزید صرف دو طلاقوں کا حق باقی رہے گا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
