ہماری کمپنی (صانع ) نے بینک (مستصنع) سے اسلامی مالی سہولت کے تحت استصناع کا معاملہ کیا تھا اور بینک نے رقم اداکر کے اس کے بدلے پلاٹ بطور رہن لے لیا ۔”کرونا” کی وبا کی وجہ سے ہم اس ارڈر کو مکمل نہ کر سکے چونکہ رہن والے پلاٹ کی قیمت زیادہ تھی تو اس کا ایک حصہ مشاعاً ہم نے بینک سے لی گئی رقم کے عوض بینک کو ہی فروخت کردیا اور دونوں کے درمیان شرکت ملک قائم ہو گئی اور پھر فریقین نے اجار ہ کا معاملہ کیا کہ کمپنی پورا پلاٹ استعمال کرے گی اور بینک کے حصہ کے شئیرز کا کرایہ کمپنی بینک کو ادا کرے گی۔ اس معاملے کے بعد یہ طے ہوا کہ کمپنی اور بینک دونوں مکمل پلاٹ کو باہمی رضامندی سے تیسری پارٹی کو فروخت کردیں اب فروختگی کی صورت میں تیسری پارٹی کی طرف سے رقم کی ادائیگی میں وقت لگے گا تو بینک نے کہا جتنی تاخیر ہو گی کمپنی اتنی مدت تک بینک کے حصہ کاکرایہ بینک کو ادا کرے ۔