مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
بغیر گواہوں کے محض ایجاب وقبول سے نکاح منعقد نہیں ہوتا
سوال
کالج میں بعض لڑکا لڑکی آپس میں ہی ایجاب وقبول کرکے۔ا ن دلائل کی بنا پر میاں بیوی والا تعلق قائم کرلیتے ہیں ۔ اس کی کیا شرعی حیثیت ہے اور قانونی طورپر اسے چیلنج کیا جاسکتاہےیا نہیں ؟
جواب
واضح رہے کہ شریعت مطہرہ نے نکاح کے متعلق اس بات کی ترغیب دی ہے کہ نکاح اعلانیہ طور پر کیا جائےاور مناسب تشہیر ہو۔ لڑکے اور لڑکی کے اولیاء موجود ہوں خصوصاً لڑکی کی طرف سے ولی موجود ہو کیونکہ بعض صورتوں میں ولی کی اجازت کے بغیر نکاح منعقد نہیں ہوتا۔
اسی طرح نکاح کے موقع پر بطور گواہ دو مردوں یا ایک مرد اور دوعورتوں کا موجود ہونا اور ایجاب وقبول کو سننا نکاح منعقد ہونے کےلیے بنیادی شرط ہےاس کے بغیر نکاح منعقد نہیں ہوتا۔ لہذا صورت مسئولہ میں گواہوں کی موجودگی کے بغیر محض لڑکے اور لڑکی کے ایجاب وقبول کرلینے سے نکاح نہیں ہوا۔ اور ان کیلئے میاں بیوی والا تعلق قائم کرنا جائز نہیں۔
نیز آج کل خفیہ طور پر لڑکیوں کا والدین کی رضامندی اور اجازت کے بغیر آزادانہ شادی کرلینے کا رواج نہایت معاشرتی بگاڑ ہے جس کے نتیجے میں پورا خاندانی نظام متاثر ہونا،اور حقوق کی پامالی طلاق کی کثرت جیسے مسائل جنم لے رہے ہیں ۔ لہٰذا اس طرح خفیہ شادیوں کی شرعاحوصلہ شکنی لازم ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
