مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کمپنی سے ایک سال کام نہ چھوڑنےکاوعدہ کرکےاس کی خلاف ورزی کرنا
سوال
ایک کمپنی ہے جس میں اگر کوئی کام وغیرہ کے لیے آتا ہے تو اس میں کام کرنے کی کچھ شرائط ہیں۔ جن میں سے ایک یہ کہ :ورکر ایک سال تک کام نہیں چھوڑ سکتا اور اس بات پرایگریمنٹ کرتے ہوئے کمپنی قرآن مجید پر ہاتھ رکھوا کراس شخص سے حلف بھی لیتی ہے ۔اب وہ بندہ ایک ہفتے کے بعد کمپنی آنا چھوڑ دیتا ہے یعنی ٹال مٹول کرتا ہے کہ آج آؤں گا ،کل آؤں گا ۔ مذکورہ کمپنی والے اس کو نکال دیتے ہیں۔جواب طلب امر یہ ہے کہ مذکورہ شخص نے جو حلف اٹھایا ہے اس کا اعتبار ہے یا نہیں اور اس کا کوئی کفارہ ادا کرنا ہے یا نہیں ؟
تنقیح
کمپنی نے ایگریمنٹ میں کیا الفاظ درج کیے ہیں؟ قسم کے الفاظ ہیں یا وعدہ کے؟
جوابِ تنقیح
ایگریمنٹ میں یہ الفاظ تحریر ہوتے ہیں کہ :میں وعدہ کرتا ہوں کہ ایک سال تک کام نہیں چھوڑوں گااور اس ایگریمنٹ کو ورکر(ملازم) پڑھتے ہوئے قرآن پر ہاتھ رکھ کر پڑھتا ہے ۔
جواب
سوال میں ذکر کردہ تفصیلات اور سائل سے تنقیح کے بعد معلوم ہوا کہ کمپنی کے معاہدہ (ایگریمنٹ) میں جو الفاظ درج ہیں وہ صراحتاً وعدہ کے الفاظ ہیں، حلف (قسم ) کے نہیں، نیز قرآن پر ہاتھ رکھ کر وعدہ کرنا وعدہ کی تاکید کے لیے ہے، اس سے بھی کوئی قسم نہیں ہوتی ۔
لہذا مذکورہ ملازم کو چاہیے کہ ٹال مٹول سے گریز کرے اور وعدہ کے مطابق سال مکمل ہونے سے پہلے کمپنی نہ چھوڑے ۔بلا عذر وعدہ خلافی کرنے کی صورت میں وہ (ملازم ) گناہ گار ہوگا ۔نیز قرآن پر ہاتھ رکھ کر وعدہ کر کے اس کی خلاف ورزی کرنا مسلمان کی شایانِ شان نہیں لہذا اس سے اجتناب کیا جائے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
