عرض گزارش ہے کہ میں راشد حسین قریشی آپ سے درخواست کرتا ہوں کہ آپ میری اصلاح فرمائیں ۔ ہمارے والد صاحب کا انتقال ہوا3 مئی2020 ءکو ۔ ہمارے والد صاحب نے وفات سے ایک دن پہلے تین بیٹوں ،دو پوتوں ، ایک پوتی اور بہو کےسامنے بتایا کہ چھوٹی بیٹی شبنم ندیم کے پاس چھ لاکھ ستر ہزار کی رقم پرائز بانڈ کی شکل میں موجود ہے اور ڈھائی لاکھ کی رقم اس نے اُدھار لی ہوئی ہے۔ 15مئی کو وہ 50 ہزار روپے دینے آئے گی اور 15 تاریخ کو قرعہ اندازی دیکھ کر 17 تاریخ کو تمام رقم اس سے منگوا لینا ۔ بڑے بہنوئی شمیم قریشی نے بھی ابا جان سے ڈیڑھ لاکھ کی رقم اُدھار لی ہوئی تھی اس رقم میں سے بہنوئی صاحب ابا جان کو 50 ہزار واپس کر چکے تھے بقیہ ایک لاکھ کی رقم ابا جان اُن کو معاف کر چکے تھے ۔ بڑے بہنوئی کی یہ ساری بات ابا جان نے سب کے سامنے بتائی تھی اور ابا جان کی اس بات پر ہم سب گواہ ہیں۔ اگلے دن ہی ابا جان کا انتقال ہو گیا ۔ اباجان نے شبنم ندیم کے پاس کمیٹی ڈالی ہوئی تھی جو کہ کمیٹی ستمبر 20 20 ءکو نکلنی تھی ۔جب شبنم ندیم گھر آئی تو اس سے کمیٹی کے بارے میں پوچھا کہ اب کمیٹی کس طرح چلانی ہے تو اس نے کہا کہ ابا جان کے کل 70 ہزار کی رقم آئی ہوئی ہے ۔ وہی سے بہن بھائی میں بات ہوئی ۔ وہ اس بات سے انکاری تھی کہ میں کوئی رقم نہیں دوں گی ۔ اور وہ ابا جان کی وفات کے بعد یہ کہہ رہی ہے کہ میں ڈھائی لاکھ کی رقم جو ابا سے اُدھار لیے ہوئے تھے میں معاف کروا چکی ہوں ۔ لیکن اس کی اس بات کا کوئی گواہ بھی موجود نہیں ہے ۔ اگر وہ رقم معاف کروا چکی ہوتی تو ابا جان نے جب بڑے بہنوئی کابتا یا تھا تو شبنم کا بھی بتا سکتے تھے لیکن ابا جان کی وفات سے ایک دن پہلے ساری باتیں جو اوپر عبارت میں لکھی ہیں وہ باتیں سب کے سامنے بتا دی تھی۔ جبکہ ابا جان کی وفات سے ایک دن پہلے وہ خود ابا سے یہ کہہ رہی تھی کہ آپ کے پچھلے پیسے ابھی تک واپس نہیں کیے اور یہ بات ریکاڈنگ میں موجود ہے ثبوت کے طور پر ۔ شبنم ندیم جو تحریر لکھ کر آپ کے پاس لائی ہے وہ جھوٹ پر مبنی ہے۔ اس تحریر میں لکھی ہوئی کسی بات کا کوئی گواہ موجود نہیں ہے ۔