مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
معذور امام کے پیچھے بیٹھ کر نماز پڑھنے والی روایت کا جواب
سوال
حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا عَبْدَةُ بْنُ سُلَيْمَانَ، عَنْ هِشَامٍ، عَنْ أَبِيهِ، عَنْ عَائِشَةَ، قَالَتْ: ” اشْتَكَى رَسُولُ اللهِ صَلَّى اللهُ عَلَيْهِ وَسَلَّمَ فَدَخَلَ عَلَيْهِ نَاسٌ مِنْ أَصْحَابِهِ يَعُودُونَهُ، فَصَلَّى رَسُولُ اللهِ صَلَّى اللهُ عَلَيْهِ وَسَلَّمَ جَالِسًا، فَصَلَّوْا بِصَلَاتِهِ قِيَامًا فَأَشَارَ إِلَيْهِمْ: أَنِ اجْلِسُوا فَجَلَسُوا ” فَلَمَّا انْصَرَفَ قَالَ: «إِنَّمَا جُعِلَ الْإِمَامُ لِيُؤتَمَّ بِهِ فَإِذَا رَكَعَ فَارْكَعُوا وَإِذَا رَفَعَ فَارْفَعُوا وَإِذَا صَلَّى جَالِسًا فَصَلُّوا جُلُوسًا».
ترجمہ : عبدہ بن سلیمان نے ہشام (بن عروہ) سے روایت کی، انہوں نے اپنے والد سے اور انہوں نے حضرت عائشہ رضی اللہ عنہا سے روایت کی کہ رسول اللہﷺ بیمار ہو گئے، آپ کے صحابہ میں سے کچھ لوگ آپ کے پاس آپ کی بیمار پرسی کے لیے حاضر ہوئے۔ رسول اللہﷺ نے بیٹھ کر نماز پڑھی تو انہوں نے آپ کی اقتدا میں کھڑے ہو کر نماز پڑھنی شروع کی۔ آپ نے انہیں اشارہ کیا کہ بیٹھ جاؤ تو وہ بیٹھ گئے۔ جب آپ نماز سے فارغ ہو گئے تو آپ نے فرمایا: ’’ امام اسی لیے بنایا جاتا ہے کہ اس کی اقتدا کی جائے ، جب وہ رکوع کرے تو تم رکوع کرو اور جب وہ (رکوع وسجود سے سر) اٹھائے تو (پھر) تم (بھی سر) اٹھاؤ اور جب وہ بیٹھ کر نماز پڑھے تو تم بھی بیٹھ کر نماز پڑھو۔‘‘
اس حدیث کی روسے تو معلوم ہو رہا ہے کہ امام اگر بیٹھ کر نماز پڑھا رہا ہے تو مقتدی بھی بیٹھ کر ہی نماز ادا کریں گے اور کیا قائم مقتدی قاعد امام کی اقتداء کر سکتے ہیں؟
جواب
معذور کے پیچھے نماز
واضح رہے کہ معذور امام کے پیچھے مقتدی کھڑے ہو کر ہی نماز پڑھیں گے ۔سوال میں ذکر کردہ حدیث پاک اگرچہ صحیح ہے لیکن اس کے برعکس صحیحین (صحیح بخاری و صحیح مسلم )میں حضرت عائشہ رضی اللہ عنہا سے ایک اور حدیث مروی ہے جس میں آپﷺ نے قاعداً(بیٹھ کر) نماز پڑھائی او ر مقتدی (حضرات صحابہ کرام رضی اللہ عنہم) نے کھڑے ہو کر نماز پڑھی (کتاب الصلوۃ :باب اذا زار قوما فامھم)
امام بخاری رحمہ اللہ نے بخاری شریف میں یہ صراحت فرمائی ہے کہ یہ عمل آپﷺ کے آخری زمانہ کا تھا اور فقہاء احناف رحمہم اللہ نے بھی اس حدیث کو آپ ﷺ کا آخری عمل قرار دیتے ہوئے اسی کے مطابق عمل کرنے کا فتویٰ دیا ہے اور سوال میں ذکر کردہ حدیث میں مذکور حکم کو اس آخری عمل سے منسوخ قرار دیا ہے ۔لہذا اسی کے مطابق عمل کیا جائے گا اور امام کسی عذر کی وجہ سے بیٹھ کر نماز پڑھائے تو تندرست مقتدی کے لیے اس امام کے پیچھے کھڑے ہو کر نماز پڑھنا ضروری ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
