مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ترکیہ جہادی ڈرامے دیکھنا
سوال
ترکی کے بہت سے جہادی ڈرامے ہیں، جنہیں دیکھ کر جذبہ پیدا ہو جاتا ہے، کیا انہیں دیکھنا درست ہے؟ اگر نہیں تو اس کی کیا وجہ ہے؟ پہلے زمانے میں لوگ کہانیوں کی کتابیں پڑھتے تھے اب ڈرامے دیکھتے ہیں۔
جواب
ایسے ڈرامے اور فلمیں دیکھنا حرام ہیں جن میں مندرجہ ذیل غیر شرعی امور اور مفاسد پائے جاتے ہوں مثلاً مرد و زن کا اختلاط، غیر محرم عورتوں کی تصاویر، موسیقی اور اسلامی و دینی مقدس شخصیات کا جھوٹا کردار جو کہ ان کی اہانت کا بھی باعث ہو خواہ یہ کتنی ہی نیک نیتی اور جذبہ جہاد پیدا کرنے کی غرض سے بنائی گئی ہوں ان کو دیکھنا نا جائز ہے، البتہ اگر ایسے ڈرامے جن میں مذکورہ باتوں کے ساتھ ساتھ کوئی اور غیر شرعی امربھی نہ ہو تو ان کو دیکھنے کی اجازت اس شرط کے ساتھ ہوگی کہ دیگر فرائض و واجبات میں کوتاہی نہ ہو۔
نیز ایسی کتب تفریح اور وقت گزاری کی غرض سے پڑھنے سے بھی پرہیز کرنا چاہئیے جن میں جھوٹ، مبالغہ آرائی اور غیر اخلاقی مواد ہو البتہ ایسی تاریخی کتب جو سچائی اور حقیقت پر مبنی ہوں ان کو پڑھنے میں کوئی حرج نہیں۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
