مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
صدقہ فطر میں مکئی دینا/سبسڈی آٹے کی قیمت سے صدقہ فطر ادا کرنا
سوال
نمبر (1)ہمارے یہاں عام پیداوار مکئی ہے اور اس کا خرچ بھی زیادہ ہے گندم اور جو کی پیداوار کم اور خرچ بھی کم ہے۔ لہذا فطرانہ میں ہم مکئی دے سکتے ہیں یا نہیں؟
نمبر (2) ہمارے علاقے میں سبسڈی والا آٹا ملتا ہے تو کیا سبسڈی والے ریٹ کا صدقہ فطر دینا کیسا ہے کیونکہ سبسڈی والا جو آٹا ہوتا ہے وہ عام آٹے سے سستا ہے اور ہمارے علاقے میں وہی آٹا ملتا ہے لہذا اس سبسڈی والے آٹے کی قیمت صدقہ فطر میں دینا جائز ہے یا نہیں یا گندم ہی دینی ضروری ہے؟
جواب
نمبر(1)صدقہ فطر میں اصلاً “گندم، جو، کھجوراور کشمش ” کی واجب مقدار یا اس کی قیمت کا اعتبار ہے۔ لہذا صرف مذکورہ اشیاء کی قیمت کےحساب سے جتنی مکئی کی مقدار بنتی ہو اس سے صدقہ فطر ادا کرنا درست ہوگا۔
نمبر(2) صدقہ فطر میں گندم کا خالص آٹا دے سکتے ہیں ۔اور گندم یا خالص آٹے کی بازاری قیمت کا اعتبار ہو گا، عام طور پر خصوصی عنوان پر سبسڈی والا ریٹ شرعاً معتبر نہیں ہے۔لیکن اگر آپ کے علاقے کی تمام دوکانوں میں صرف سبسڈائز آٹا اور گندم ہی ملتی ہو تو پھر آپ کے لیے اسی قیمت کے حساب سے فطرانہ ادا کرنا صحیح ہوگا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
