مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
آن لائن ڈیجیٹل کمپنی کے پلیٹ فارم پر خرید و فروخت کا حکم
سوال
ایک آن لائن ڈیجیٹل کمپنی ہے جو مختلف اشیاء کی خرید و فروخت کرتی ہے، اس سے ہم کوئی چیز خرید بھی سکتے ہیں اور خرید کر اسی کمپنی کے پلیٹ فارم پر آگے بیچ بھی سکتے ہیں، کیا یہ معاملہ درست ہو جائے گا کہ کوئی چیز قبضہ کرنے کے بغیر آگے فروخت کر دی جائے؟
جواب
واضح رہے کہ مبیع کا بائع کی ملکیت اور قبضہ میں ہونا ضروری ہے، ملکیت اور قبضہ میں آئے بغیر مبیع کو آگے فروخت کرنا جائز نہیں۔
آن لائن کاروبار میں بھی اگر کمپنی مبیع پر قبضہ کرنے سے پہلے ہی اس کو فروخت کر دیتی ہےتو یہ جائز نہیں اور اگر آپ کمپنی سے کوئی چیز خرید کر اپنے قبضہ و ملکیت میں لائے بغیر آگے فروخت کرتے ہیں تو یہ بھی جائز نہیں البتہ اس میں جواز کی چند صورتیں ہیں؛
بائع مشتری کو بتا دے کہ یہ چیز میرے قبضہ و ملکیت میں نہیں ہے، میں اس کو خرید کر آپ کو اتنے ثمن میں فروخت کروں گااور پھر وہ شخص خود یا اپنے وکیل کے ذریعے خرید کر اس پر اپنا یا وکیل کا قبضہ حاصل ہونے کے بعد اس کو فروخت کر دے، یہ صورت جائز ہو سکتی ہے۔
دوسری جواز کی صورت یہ ہو سکتی ہے کہ وہ بائع کمپنی کی طرف سے کمیشن ایجنٹ بن جائے اور کمپنی کے ساتھ طے کر لے کہ میں آپ کو اتنی پروڈکٹ بیچ کر دوں گا، آپ مجھے اتنا کمیشن دے دینا، اس صورت میں وہ شخص بطور ایجنٹ کمپنی سے کمیشن حاصل کرے تو یہ جائز ہو سکتا ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
