مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ولی کی اجازت کے بغیر غیر کفو(خاندان سے باہر) میں نکاح کرنا
سوال
غیر کفو میں ولی کی اجازت کے بغیر نکاح کیوں منعقد نہیں ہوتا؟ میں غیر کفو ہوں لڑکی سے دین داری میں بھی کم ہوں تو اگر لڑکی کے ولی ہمارا نکاح کر دیں تو وہ منعقد ہوجائے گا؟
میں نے ایک لڑکی سے کورٹ میرج کی ولی کے بغیر اور میں لڑکی کے کفو کا بھی نہیں ہوں لڑکی پٹھان اور میں پنجابی ہوں۔ دین کے لحاظ سے بھی لڑکی زیادہ دین دار ہے میں کوئی کام نہیں کرتا خرچا اپنے والد سے لیتا ہوں یعنی بیوی کا نفقہ وغیرہ کی ادائیگی پر قادر نہیں تھا نکاح کے وقت۔ یعنی لڑکی نے ولی کی اجازت کے بغیر غیر کفو میں نکاح کیا تو یہ نکاح منعقد ہوا یا نہیں؟
پھر لڑکی کے گھر والوں کے کہنے پر طلاق نامہ پر مجھ سے میرے گھر والوں نے جھوٹ بول کر کہ لڑکی والے ہمارے پیچھے ہے ہمیں مارنے آرہے ہیں وہ دوبارہ نکاح کریں گے لڑکی کے والد نے بولا ہے تو مجھ سے دستخط کروایا۔ سب گواہ ہے مجھ سے زبردستی دستخط کروایا۔ میں لڑکی سے شادی کرنا چاہتا ہوں لڑکی کے ولی کی اجازت سے۔ کیا نکاح منعقد ہوا؟ کیا طلاق واقع ہوئی؟ کیا دوبارہ نکاح کر سکتا ہوں؟ مجھے قرآن و حدیث کی روشنی میں تفصیلی جواب دیں۔
جواب
اگر لڑکی ولی کی اجازت کے بغیر غیر کفو میں نکاح کرے تو مفتیٰ بہ قول کے مطابق یہ نکاح منعقد نہیں ہوتا۔ لہذا صورتِ مسؤلہ میں اگر واقعتاً لڑکی نے اپنے ولی کی اجازت کے بغیر غیر کفو میں نکاح کیا تو وہ منعقد ہی نہیں ہوا، اور اس صورت میں طلاق کی ضرورت نہیں۔البتہ اگر اب لڑکی کا ولی راضی ہوجاتا ہے تو وہ دوبارہ نکاح کر سکتے ہیں۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
