مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
جاری مجری خطا میں کفارہ لازم ہونے کا حکم
سوال
ایک عورت دوسری عورت کے گھر بطور مہمان گئی، جومہمان عورت تھی وہ دوسری عورت کےلئے قہوہ کپ میں ڈالنے لگی، میزبان عورت کی دوسالہ بچی پاس سوئی ہوئی تھی تو قہوہ ڈالتے وقت تھر ماس کا ڈھکن کھلا تو سارا کا سارا قہوہ بچی پر گر گیا تین دن بعد بچی فوت ہوگئی۔ کیا اس خاتون پر کفارہ کے روزے لازم ہوں گے؟
جواب
جی ہاں مذکورہ خاتون پر کفارہ کے روزے لازم ہیں۔ جس کی صورت یہ ہے کہ وہ کفارہ کے طور پر ساٹھ روزے مسلسل رکھے اور اگر چاند کے مہینے کی پہلی تاریخ سے روزے شروع کرے تو ساٹھ روزے پورے کرنا ضروری نہیں، بلکہ مسلسل دوماہ کے روزے رکھنا لازم ہیں اگرچہ ان کی تعداد ساٹھ دنوں سے کم بنے۔ نیز یہ بھی ذہن میں رہے کہ اگر کسی عذر کی وجہ سے درمیان میں روزے چھوٹ جائیں تو اب از سرِ نو روزے شروع کرنے ہوں گے، ہاں اگر ماہواری کی وجہ سے درمیان میں کچھ دن ناغہ ہوجائے تو اب ازسرِ نو ساٹھ روزے رکھنا ضروری نہیں بلکہ ماہوری سے پاک ہوتے ہی بقیہ روزے پورے کرلے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
