مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
میں نے جب بھی فلانا گناہ کیا تو میں چھ روزے رکھوں گا”کہنے کے بعد محلوف علیہ کے تکرار کی وجہ سے تعدد کفارات کا حکم”
سوال
ایک بندے نے گناہ کے ایک کام سے اپنے آپ کو روکنا چاہا ، اور کہا، کہ میں نے اس کو ” جب بھی” کیا ، تو میں چھے روزے رکھوں گا، پھر وہ کام اس سے بار بارصادر ہوا ، جس کی تعداد کا اندازہ اس کو نہیں،اب وہ کس طرح روزے رکھے، جب کہ اس کو معلوم نہیں کہ میں نے کتنی مرتبہ یہ کام کیا ہے؟
اس بندے پر صرف “چھے” روزے رکھنا لازم ہے یا کفارۃالیمین بھی دے سکتا ہے؟ اور کفارۃالیمین دینے کی صورت میں “مساکین کو کھانا کھلانا، کپڑے پہنانا اور عدمِ استطاعت کی صورت میں روزےرکھنا” کیا ان میں سے ہر ایک ادا کر سکتا ہے؟
جواب
صورتِ مسئولہ میں ایک سے زائد مرتبہ اگروہ اس گناہ کا مرتکب ہوا تو اس شخص پر صرف ایک ہی مرتبہ چھے روزےلازم ہو ں گے اور اس پر صدقِ دل سے توبہ واستغفار کرنا بھی لازم ہوگا ،ہر ایک گناہ پر الگ سے روزے رکھنا لازم نہ ہوں گے۔
چھے روزے رکھنے کے علاوہ کفارۃالیمین ادا کرنا بھی درست ہے، البتہ چھے روزے رکھنا( یعنی نذر کو پورا کرنا) افضل ہے ۔ اور کفارۃالیمین میں دس مسکینوں کو اوسط درجے کا کھانا کھلانے یا انہیں کپڑے پہنانے کا بھی اختیار ہے اور ان پر عدمِ استطاعت کی صورت میں مسلسل تین دنوں کے روزے رکھنے سے بھی کفارہ ادا ہو جائے گا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
