مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
فدیہ کی مقدار کتنی ہے؟ /میت کے مستحق بھائی کو فدیہ دینا کیسا ہے؟/ کل مال صدقہ کرنے کی وصیت کرنا
سوال
نمبر 1۔میرا اٹھارہ سال کا بھائی جو کہ کچھ دن قبل کینسر کی بیماری کی وجہ سے شہید ہوگیا،جس سے تقریباً ڈھائی مہینے شدید تکلیف کی بناء پر نمازیں قضاء ہو گئیں، آج کل کے حساب سے فدیہ کتنا ہو گا؟
نمبر2۔کیا والد صاحب اپنے پیسوں سے میت کی طرف سے استحساناً فدیہ دے سکتے ہیں یا نہیں؟ اگر دے سکتے ہیں تو کیا کسی اور مستحق زکوٰۃ بھائی ( میت کا بھائی اور فدیہ دینے والے کا بیٹا) کو دے سکتا ہے؟
نمبر3۔نیز بھائی مرحوم نے موت سے دس دن قبل ( تقریباً جب زندگی سے مایوس ہو چکا تھا) کل پانچ ہزار (جو کہ اس کا کل سرمایہ تھا) صدقہ کرنے کی وصیت کی، اس کا کیا حکم ہے؟
جواب
نمبر1۔نماز کے فدیہ کی مقدار نصف صاع یعنی تقریباً پونے دو کلو گندم یا خالص آٹا یا اس کی قیمت ہےلہذا فدیہ ادا کرتے وقت پونے دو کلو گندم یا آٹے کی موجودہ قیمت معلوم کر کے ادا کریں ۔اور وتر کی نماز چونکہ مستقل ایک نماز ہے اس لیے روزانہ چھ نمازوں کا فدیہ ادا کریں۔
نمبر2۔والد تبرعاً مرحوم کی طرف سے فدیہ ادا کر سکتا ہے اور فدیہ کی رقم مرحوم کے مستحقِ زکوٰۃ بھائی کو دی جا سکتی ہے۔
نمبر3۔شرعاً وصیت ایک ثلث مال کی حد تک نافذ ہوتی ہے لہذا صورتِ مذکورہ میں اگر اس پر تمام ورثاء راضی ہو تو کل مال کو صدقہ کیا جا سکتا ہے ورنہ ایک تہائی مال کے بقدر صدقہ کر دیا جائے اور بقیہ مال ورثاء میں شرعی حصص کے مطابق تقسیم کر دیا جائے بشرطیکہ کوئی قرضہ نہ ہو۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
