گروی کی مروجہ صورت جس میں مالکِ مکان کو ایڈوانس رقم دینے والا اس مکان میں بلاکسی معاوضہ کے رہائش اختیار کرتاہے بلاشبہ حرام اور سودی معاملہ ہے کیونکہ اس صورت میں ایڈوانس دی جانے والی رقم قرض ہے اور قرض پر نفع حاصل کرنا (خواہ بلا معاوضہ رہائش کی صورت میں ہی کیوں نہ ہو) سود اور حرام ہے، البتہ اس کی جائز صورت یہ ہوسکتی ہے کہ گروی کا معاملہ اختیار کرنے کے بجائے کرایہ داری کا معاملہ کیا جائے جس کی صورت یہ ہوگی کہ طے شدہ مدت تک گھر میں رہائش اختیار کرنے والا کرایہ دار بن جائےاورایڈوانس رقم اس رہائش کے عوض کرایہ کے طور پر ادا کرے اس صورت میں طے شدہ مدت ختم ہونے کے بعد اسے اس رقم کی واپسی کا مطالبہ کرنے کا حق نہیں ہوگا، بلکہ کرایہ دار کے رہائش اختیار کرنے کے عوض مالکِ مکان اس رقم کا مالک بن جائےگا۔