مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
رفع ونزول مسیح علیہ السلام پر قادیانیوں کے اعتراضات
سوال
چند مسائل کے بارے میں جواب مطلوب ہے
رفع و نزول عیسٰی علیہ السلام کے منکرین کے بارے میں شرعا ً کیا حکم ہے اور اسی طرح قادیانی وفات عیسٰی علیہ السلام پر بطور دلیل کے یہ آیت مبارکہ پیش کرتے ہیں
وما محمد الا رسول قد قد دخلت من قبله الرسل
دوسری آیت وما جعلنا لبشر من قبلك الخلد افائن مت فهم الخلدون
ترجمہ: اور ہم نے تم سے پہلے کسی آدمی کے لیے دنیا میں ہمیشگی نہ بنائی تو کیا اگر تم انتقال فرماؤ تو یہ ہمیشہ رہیں گے۔
اذ قال الله يعيسى اني متوفيك ورافعک الي ومطهرك من الذين كفروا۔۔۔الخ
قادیانی اشکال ایک طرف تمہارا عقیدہ ہے حضور صلی اللہ علیہ وسلم آخری نبی ہیں دوسری طرف نزول عیسٰی کا عقیدہ عقیدہ ختم نبوت کی نفی ہے۔
نزول عیسٰی علیہ السلام کے حوالے سے بعض احادیث میں قیامت کے قبل 40 سال کا عرصہ آیا ہے اور بعض میں 45 سال کا ان میں تطبیق کیسے ہوگی۔۔؟
تمام سوالوں کا جواب تفصیل سے عنایت فرمائیں تو آپ کی عنایت ہوگی جزاک اللہ خیرا
جواب
نمبر1۔رفع و نزول ِعیسٰی علیہ السلام
حضور صلی اللہ علیہ وسلم سے لے کر اب تک مسلمانوں کا یہ متواتر اور قطعی عقیدہ ہے کہ حضرت عیسٰی علیہ السلام زندہ آسمانوں پر اٹھا لیے گئے تھے اور قربِ قیامت میں آپ صلی اللہ علیہ وسلم کے امتی ہونے کی حیثیت سے ان کا نزول ہوگا اس اجماعی اور متواتر عقیدے کا منکر دائرہ اسلام سے خارج ہے ۔
نمبر(١) وما محمد الا رسول قد خلت من قبله الرسل اس أیت مبارکہ سے قادیانیوں کا حضرت عیسٰی علیہ السلام کی وفات پر استدلال کرنا بالکل غلط ہے ، کیونکہ لفظ خلت کو بمعنی موت لینا صریح غلطی ہے ، “خلت” لفظ خلو سے مشتق ہے جس کے لغوی معنی ہیں جگہ خالی کرنا یا گزرنا اور جن چیزوں پر زمانہ گزرتا ہے ان کو بھی تبعاً خلو سے بیان کر دیتے ہیں ۔ مثلا : واذا خلوا الى شياطينهم ترجمہ : اور جب وہ خلوت میں پہنچتے ہیں آپنے شوہروں سرداروں کے پاس ۔ تلك امۃ قد خلت ترجمہ : یہ ایک جماعت ہے مجھے گزر چکی بہرحال خلوقکے معنی جگہ خالی کرنا خواہ زندہ گزار کر یا موت سے یا ایک جگہ سے دوسری جگہ ہٹ کر ہو لہذا سیدنا عیسٰی علیہ السلام کی حیات پر دلائل قطعی ہونے کی وجہ سے یہاں خلو سے موت مراد لینا قران میں تحریف ہے جو کہ ناجائز اور حرام ہے ۔
نمبر(٢) وما جعلنا لبشر من قبلك الخلد افائن مت فهم الخالدون مذکورہ آیت سے بھی یہ ثابت ہوتا ہے کہ اللہ تعالی نے ہمیشہ زندہ رہنا کسی کے لیے طے نہیں کیا، قادیانیوں کا وفاتِ سیدنا مسیح علیہ السلام پر اس آیت سے استدلال کرنا بھی درست نہیں کیونکہ قران میں واضح طور پر آیا ہے وان من اهل الكتاب الا ليؤمنن به قبل موته ترجمہ: اور اہل کتاب میں سے کوئی نہ رہے گا مگر وہ حضرت عیسٰی علیہ السلام پر ان کی موت سے پہلے ایمان لائے گا ۔ اس آیت کریمہ سے ثابت ہوتا ہے کہ سیدنا عیسٰی علیہ السلام کو بھی موت آئے گی لیکن اس وقت جب سبھی اہل کتاب ان کے ہاتھ پر ایمان لے آئیں گے لہذا یہ تبھی ممکن ہے جب سیدنا عیسٰی علیہ السلام دوبارہ دنیا میں آئیں اور پھر اپنی طبعی موت سے اس دنیا سے رحلت فرمائیں اور اس وقت موجود سبھی لوگ ان کے ہاتھ پر ایمان لے آئیں ۔
نمبر(٣) اذ قال الله يا عيسى اني متوفيك ورافعك الي ومطهرك من الذين كفروا یہ آیت مبارکہ سیدنا عیسٰی علیہ السلام کی حیات پر دلیل ہے نہ کہ ان کی وفات پر ، قادیانی آیت مبارکہ میں لفظ “متوفیک” سے موت مراد لیتے ہیں جبکہ توفی کاحقیقی معنی موت نہیں ہے توفی جس کے حروف اصلی (وف ی )ہیں جس کے معنی ہیں پورا کرنا یا پورا وصول کرنا ہے چنانچہ عرب کہتے : وفی بعہدہ یعنی اپنا وعدہ پورا کیا ۔ اس آیت کریمہ میں اللہ تعالی نے یہودیوں کی سازش کی وجہ سے حضرت عیسٰی علیہ السلام کی تسلی کے لیے ان سے یہ وعدہ فرمایا متوفیک: تجھے پورا پورا لے لوں گا ورافعک الی: تجھے اپنی طرف آسمانوں میں اٹھا لوں گا ومطھرک : مخالفین کے شر سے بچا لوں گا وجاعل الذين اتبعوك فوق الذين كفروا : تیرے متبعین کو دشمنوں پر غالب رکھوں گا لہذا دیگر صریح اور قطعی دلائل کے ہوتے ہوئے اس آیت سے سیدنا عیسٰی علیہ السلام کی وفات کو ثابت کرنا غلط ہے بلکہ اس آیت سے تو آپ علیہ السلام کا زندہ اس دنیا سے اٹھایا جانا ثابت ہوتا ہے ۔ وما قتلوه يقينابل رفعه الله اليه (النساء 158) ترجمہ : اور اس کو قتل نہیں کیا بے شک ، بلکہ اس کو اٹھا لیا اللہ تعالی نے اپنی طرف وقولهم انا قتلنا المسيح عيسى ابن مريم رسول الله وما قتلوه وما صلبوه ولكن شبه لهم ترجمہ ان کا یہ کہنا کہ اللہ کے رسول مسیح عیسٰی علیہ السلام کو قتل کر دیا تھا، حالانکہ انہوں نے عیسٰی علیہ السلام کو قتل کیا تھا نہ انہیں سولی دے پائے تھے بلکہ انہیں اشتباہ ہو گیا تھا ۔
نمبر2۔ قادیانی اشکال کا جواب : نزول عیسٰی علیہ السلام کا عقیدہ، ختم نبوت کے عقیدے پر ہرگز نفی نہیں ہے کیونکہ ہمارا یہ عقیدہ ہے کہ حضور صلی اللہ علیہ وسلم کے بعد کسی کو بھی نبوت عطا نہیں ہوگی جب کہ حضرت عیسٰی علیہ السلام کو حضرت محمد صلی اللہ علیہ وسلم کی بعثت سے کم و بیش پانچ سو سال پہلے ہی نبوت مل چکی تھی اور حضرت عیسٰی علیہ السلام اپنی سابقہ نبوت پر برقرار رہتے ہوئے بطور حاکم اور حضور صلی اللہ علیہ وسلم کے امتی ہونے کی حیثیت سے نازل ہوں گے لہذا عیسٰی علیہ السلام کا نزول ختم نبوت کے عقیدے پر ہرگز نفی نہیں ہے ۔
نمبر3۔ نزول عیسٰی علیہ السلام کے بعد قیامت تک کا عرصہ : راجھ قول یہی ہے کہ سیدنا عیسٰی علیہ السلام کا نزول قیامت سے 40 سال قبل ہوگا لیکن بعض کمزور درجے کی روایت میں 45 سال کا ذکر بھی آیا ہے، ان روایات میں تطبیق ایسے ہوگی کہ قاعدہ ہے کہ (القلیل لا ینای الکثیر )قلیل مدت کثیر کے منافی نہیں ہے یعنی چھوٹا عدد بڑے عدد میں شامل ہوتا ہے، 45 سال میں 40 سال بھی شامل ہیں ۔ دوسری توجیہ یہ ہے کہ 40 سال کا ذکر تعداد میں کسر کو ختم کرنے کے لیے آیا ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
