مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
دعا میں مناسب الفاظ کا استعمال کرنا
سوال
کیا فرماتے ہیں مفتیانِ کرام اِس مسئلہ کے بارے میں کہ ہم اللہ تعالٰی سے دعامانگتے ہوئے یہ کہتے ہیں کہ اے اللہ میں فلاں چیز کا طلب گا ر ہوں اگر اِس کام میں بہتری ہے تو مجھے عطا کر اگر بہتری نہیں ہے تو عطا نہ کر ، ہم یہ کیوں نہیں کہتے کہ اے اللہ ہمیں بہتر کر کے فلا ں چیز عطا کر ؟
جواب
سوال میں دیئے گئے دونوں طرح کے الفاظ سے دعا مانگنا جائز ہے بشرطیکہ کسی ناجائز کام یاحرام چیزکی دعا نہ ہولیکن اس طرح دعا کرنا ( کہ مجھے فلاں چیز ہی بہتر کر کے عطا کر) اس میں اللہ تعالٰی سے اپنی مرضی ہی منوانے کاپہلو ہے جو عبدیت کا تقاضا نہیں اس لئے ان الفاظ سے دعا کرنا مناسب نہیں البتہ احادیث میں سوال میں دی گئی پہلی والی دعا کے الفاظ ( کہ اے اللہ اگر آپ کے علم کے مطابق اس میں بہتری ہے تو عطا کر ۔۔۔)کثرت سے ملتے ہیں اس لئے کہ اس میں اپنے معاملے کو اللہ تعالٰی کی طرف سپرد کرنا ہے اور اللہ تعالٰی کے علم پررضا مندی ہے نیز اس میں عبدیت کا بھی اظھار زیادہ ہوتا ہے لہٰذا ان الفاظ سے دعا کرنا زیادہ مناسب ہے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
